1-mavzu: gimnastikaning nazariy bilim, amaliy-tеxnik malaka va ko‘nikmasi asoslarini o‘zlashtirish

1-MAVZU: GIMNASTIKANING NAZARIY BILIM, AMALIY-TЕXNIK MALAKA VA KO‘NIKMASI ASOSLARINI O‘ZLASHTIRISH.

Dars rejasi:

1. 
   Gimnastika mashqlarining mоhiyati.
   
2. 
   To‘sin(brevno) ustida mashqlar bajarish.
   
3. 
   „Dastali ot“ ustidan sakrash.
   
4. 
   „ Eshak“ ustidan oyoqlarni yozib sakrash.
   

1. 
   Gimnastika mashqlarining mоhiyati.
   

Qadimiy Yunonistonda har bir yosh yigit va qizlar kamolotga erishishda jismoniy mashqlar bilan shug‘ullanishlari shart bo‘lgan. Taajjublanarlisi, yigitlar yalang‘och shug‘ullanishgan. „Yalang‘och“ degani yunon tilida „gimnos“ bo‘lib, gimnastika atamasi, shundan kelib chiqqan. Sportning bu turi inson qomatini xushbichim, chiroyli, kelishgan bo‘lishiga va jismonan barkamol o‘sishiga, muskullari mustahkam, harakatlari chaqqon bo‘lishiga yordam bergan.

Insonning chaqqon, harakatchan bo‘lishida gimnastikaning roli katta. Hech bir sport turi sport mahoratini gimnastikadek puxta ta’minlay olmaydi. Chunki gimnastik va akrobatik tayyorgarlik majburiy ravishda o‘talmaydi.

Gimnastika mashqlarining yana bir qimmatli tomoni shundaki, bu mashqlar insonning ayrim a’zolariga emas, balki barcha a’zolariga birdek ijobiy ta’sir ko‘rsatadi. Gimnastika mashqlari barcha yoshdagi ayol-u erkakka barobar foydali, chunki unda maxsus ishlab chiqilgan va tanlab olingan jismoniy mashqlar majmuasi mavjuddir.

Jismoniy tarbiya darslarida siz hayotiy zarur, ya’ni yugurish, yurish, tepaliklarga tirmashib chiqish, to‘siqlardan oshib o‘tish, muvozanatni saqlash, sakrashlarni bajarishga oid ko‘nikma va malaka hosil qilasiz.

Agar siz gimnastika mashqlarini ertalab doimiy ravishda bajarsangiz, badantarbiyani, uyga berilgan vazifalarni, sport seksiyalaridagi, tanaffusdagi mashqlarni (o‘yin tarzida) yengilgina bajarasiz.

„Gimnastika“ tushunchasi keng ma’noni anglatadi. U sport gimnastikasi, badiiy gimnastika, ritmik, akrobatik gimnastikalardan iborat.