Sanoat binolari

Sanoat binolarining ichki parda devorlari. Sanoat binolarining sexlari turlicha issiqlik-namlik rejimiga ega bo‘lganda, katta maydonlarda joylashgan ishlab chiqarish turlarini bir-biridan ajratish zarurati tug‘ilganda ichki parda devorlarini loyixalash va qurilish ishlarini amalga oshirish zarurati tug‘iladi. Ichki parda devorlar loyixalanishiga qarab ishlab chiqarish sexlarida xonaning butun balandligi bo‘yicha, bazi xollarda omborxonalar, boshqa yordamchi va xizmat xonalarida xona balandligining malum bir balandligi bo‘yicha qurilishi amalga oshiriladi. Ichki parda devorlar mustaxkamlik, bikrlik va yong‘inga qarshi talablarga javob berishlari shart.
Sanoat binolarida ichki parda devorlari (peregorodki) tuzilishiga qarab mayda va yirik o‘lchamli konstruksiyalardan, tayyorlanish mahsulotiga qarab mayda o‘lchamli g‘isht-tosh, g‘ovakli keramik va engil betonli tosh mahsulotlardan, temirbeton, yog‘och, metall, shaffof shisha va plastik mahsulotlaridan tayyorlanadi.
Sanoat binolarining ichki parda devorlarini tanlab olishda va ishlatishda albatta engil va qurilish industriyasi korxonalarida ishlab chiqariladigan unifikatsiyalangan konstruksiyalarga etiborni qaratmoq lozim.
Mayda o‘lchamli g‘isht-tosh konstruksiyali pardadevorlar. G‘isht mahsulotidan loyixalanadigan ichki parda devorlari 1/2 va 1/4 g‘isht qalinligiga ega bo‘ladi. 1/2 qalinlikka ega bo‘lgan ichki parda devorlarining uzunligi 5 m dan, balandligi esa 3 mdan oshib ketmasligi lozim, agar parda devorlarning parametrlari Yuqoridagi miqdorlardan oshadigan xolda ular xar olti qator balandlikda albatta 1,5x25 mm li o‘ramli po‘lat sim (provolka) bilan o‘zaklanadi (armirovanie) va yuk ko‘taruvchi konstruksiyalarga maxkamlanadi. 1/4 g‘isht kengliigiga ega bo‘lgan g‘isht konstruksiyali parda devorlarni loyixalashda asosiy xollarda ko‘p teshikli (mnogodыrchatыy) g‘ishtlardan foydalaniladi. Ularning mustaxkamligini oshirish maqsadida parda devorlar 525x525 mm o‘lchamli o‘zak to‘rlarni (armaturnыe setki) xosil qiluvchi, tik va bo‘ylama yo‘nalishda o‘rnatiladigan temir o‘zaklar (armatura) bilan jixozlanadi.