Sanoat binolari

Rasm. Yog‘och to‘siqli parda devorlar.


Temirbeton va panel konstruksiyali parda devorlar og‘ir, engil va g‘ovakli betonlardan panelli konstruksiya shaklida tayyorlanadi. Temirbeton panel konstruksiyalari ustunlar yoki faxverk ustunlariga maxkamlovchi detallar orqali biriqtiriladi.
Panel konstruksiyali engil beton, fibrolit va gipsobeton mahsulotlaridan yog‘och konstruksiyali o‘ramaga (derevyannaya obvyazka) ega bo‘lgan engil parda devor konstruksiyalari 1,2x6,0x0,08 va 1,8x6,0x0,08 m o‘lchamda karkas-qoplamali panellar ko‘rinishida ishlab chiqariladi.



Rasm. Sanoat binolarida qo‘llaniladigan parda devor turlari.


a)-temirbeton konstruksiyali; 5-xomut; 6-oraliq tayanch; 7-Yuk ko‘taruvchi tayanch; 8-o‘rama; 9-temirbeton panel;


Gipsli va gipsobetonli parda devor plitalari 800x400x80 mm o‘lchamlarda, pastki va yon tomon qirralarida tomonlarida o‘yiqlar (jelobka) bilan ishlab chiqarilib gipsli qorishmalarda teriladi. Plitaning pastki va yon tomon qirralarida tomonlaridagi o‘yiqlarga quyiladigan gips qorishmasi plita choklarining mustaxkamligini oshirish uchun xizmat qiladi.

Rasm. Mayda o‘lchamli gipsolit plitalarida parda devor konstruksiyasi.

Bir qatlamli gipsli va gipsobetonli parda devor plitalari 4,5 m balandlikkacha karkassiz ravishda o‘rnatiladi, lekin eshik yoki boshqa tehnologik yoriqlar mavjud o‘rinlarda yog‘och karkaslardan foydalaniladi. Gipsli va gipsobetonli parda devorlarda turli yoriqlar va darzlar paydo bo‘lmasligi uchun ularni xamma vaqt egilmaydigan va cho‘kmaydigan mustaxkam asoslarga o‘rnatish lozim.

Metall konstruksiyali yig‘ma parda devorlar xar 1,5 m masofada joylashadigan metall prokat yoki trubalardan ishlangan ustun, 1,5x1,8 va 1,5x2,4 m o‘lchamga ega bo‘lgan asosiy xamda 1,0x1,8 va 1,0x2,4 m o‘lchamlarga ega bo‘lgan yonbosh metall to‘siq elementlaridan tashkil topadi. To‘siq konstruksiyalari Yuzasi metall to‘r bilan, pastki qismi esa ruxlangan profil taboq bilan qoplanadi. To‘siq konstruksiyalari ustunlarga osib qo‘yiladi. Bazi xollarda to‘siq Yuzalarini maxsus germetik rezina profil elementlar yordamida maxkamlanadigan metall taboqlar bilan xam qoplanadi.