Sanoat binolari

Proletli echimga ega bo‘lgan bir qavatli sanoat binolari asosan gorizontal tehnologik jarayonlarga ega bo‘lgan sanoat korxonalari uchun mo‘ljallanadi va ular bir prolyotli va ko‘p prolyotli echimlarga ega bo‘lib prolyotlar soni loyihada binoda kechadigan tehnologik jarayonlarning xususiyatiga qarab aniqlanib prolyotlarning o‘zaro joylashuvi bir-biriga nisbatan perpendikulyar yoki parallel bo‘lishi mumkin.
Binoning perimetri bo‘ylab joylashgan ustunlar bilan o‘rab olingan xajmni prolyot deb ataladi, binoning ko‘ndalang kesimi bo’yicha joylashgan ustunlarning orasidagi masofani prolyotning eni (yoki kengligi ) deb, binoning bo‘ylama kesimi bo’yicha joylashgan ustunlar orasidagi masofani kadam deb ataladi va binoning bo‘ylama uzunligi kadamlar soni bilan aniklanadi. Bir qavatli sanoat binolarida binoning polidan ( yani 0,00 balandlikdan ) tom yuk ko‘taruv konstruksiyasining pastki qismigacha bo‘lgan masofa qavatning balandligi deb yuritiladi. Bir qavatli sanoat binolarida binoning uzunligi va eni tehnologik jarayon xususiyatidan kelib chiqkan xolda loyixalanadi va asosiy xollarda binoning uzunligi M (600sm)ga, binoning balandligi esa 3,0 metrdan 8,4 metrgacha 0,1 M ( 60 sm) ga, 9,6 metrdan 18 metrgacha 0,2 M (120 sm)ga teng bo‘linadigan tarzda qabul qilinadi.
Bir qavatli sanoat binolarida ustunlar ostida joylashuvchi poydevor obrezi 1-qavat polining satxidan 0,15 m pastda joylashadi.

YAcheykali xajmiy tarxiy echimga ega bo‘lgan bir qavatli sanoat binolari asosan tarxda kvadrat ko‘rinishga ega bo‘lib universal echimlarga egadir va ushbu tipdagi binolarda yuqori manyovrli tehnologik echimlarga ega bo‘lish mumkin. YAcheykali echimga ega bo’lgan bir qavatli sanoat binolari asosan 12x12, 18x18, 24x24, 30x30 va 36x36 metr o‘lchamda bir xil balandlikka ega bo‘lgan xolatda loyixalanadi.

Zalli xajmiy tarxiy echimga ega bo‘lgan bir qavatli sanoat binolari asosan tehnologik jarayonni tashkil etish uchun xar xil ichki tayanchlardan xoli bo‘lgan keng maydonlar talab etilganda loyixalanadi va ular odatdagi loyixalanadigan prolyotlarga nisbatan kengrok va kattaroq prolyotlarga ega bo‘ladilar.



Yacheykali va zalli xajmiy-tarxiy echimlarga ega bo‘lgan bino va inshootlarni loyixalash va qurilish ishlarini amalga oshirishda ko‘p xollarda tomning fazoviy echimga ega bo‘lgan konstruksiyalaridan foydalaniladi.
Bir qavatli sanoat binolarini loyixalashda konstruktiv elementlarni modul o‘qlarga bog‘lash asosiy masalalardan xisoblanib quyida keltiriladigan tartibda olib boriladi.