Sanoat binolari

Doimiy ravishda issiq quruq iqlim sharoitiga ega bo‘lgan tumanlarda loyixalash va qurilish ishlari. O‘zbekiston Respublikasi xududi issiq quruq iqlim sharoitiga ega bo‘lgan tumanlar xududiga kiritilib, Respublika xududida qurilgan bino va inshootlarning xammasi doimiy ravishda uzoq muddatli yuqori xaroratlar ostida ekspluatatsiya qilinadi. Bino va inshootlar xamda unda faoliyat olib boruvchi jamiyat azolarini issiq quruq iqlim sharoitidan saqlash uchun quyidagi ishlarni amalga oshirmoq lozim bo‘ladi:

• 
  qurilish ishlarini olib borish uchun maydonni tanlab olish va ushbu maydonda binoni joylashtirish;
  
• 
  bino va inshoot qurilgan maydonni ko‘kalazorlashtirish va suv bilan taminlash;
  
• 
  binoning shaklini tanlash, quyosh nurining tushishi va shamollatish talablarini xisobga olib mos xolda bino va uning ichki xonalarini joylashtirish;
  
• 
  bino qurildishini amalga oshirish uchun mos qurilish mahsulotlari va binoning o‘rab turuvchi konstruksiyalrini tanlash;
  
• 
  binoni quyosh nuridan ximoyalash uchun nurlarni qaytaruvchi to‘siq (solnsezashitnoy ustroystva) konstruksiyasini tanlash;
  
• 
  bino ichkarisida mikroiqlimni tashkil etish uchun mexanik qurilma vositalaridan foydalanish;
  

Binolarda tabiiy shamollatishni amalga oshirish maqsadida binoning o‘rab turuvchi konstruksiyalarida albatta yorug‘lik va shamollatish uchun mo‘ljallangan yoriqlar, agar xona tehnologik talablar bo‘yicha bir necha xonaga bo‘lingan bo‘lsa ichki parda devorlarda xam albatta shamollatishni amalga oshirish uchun yoriqlar loyixalanmog‘i lozim.
Bino va inshootlarni quyosh nurlaridan beriladigan issiqlik tasiridan saqlash maqsadida ularni turli xil nur qaytaruvchi mahsulotlar bilan qoplash yoki bo‘yoqlash ishlari amalga oshirilmog‘i lozim.
Issiq quruq iqlim sharoitiga ega bo‘lgan tumanlarda qurilishi amalga oshiriladigan binolarni saqlashning usullaridan biri bu- binolarda nurlarni qaytaruvchi to‘siq (solnsezashitnoy ustroystva) konstruksiyalaridan foydalanishdir. Nur qaytaruvchi to‘siqlarning quyidagi turlari mavjuddir:

• 
  bo‘ylama ayvonchalar;
  
• 
  tik ekranlar;
  
• 
  g‘ovakli qurilmalar;
  

Nur qaytaruvchi to‘siqlarning bo‘ylama ayvonchali turiga binolarning tashqi devorlariga o‘rnatilgan soyabon (kozыryok), tom chiqiqlari (sves) va tent konstruksiyalaori kiritiladi. Tik ekranlar qovurg‘ali diafragmalar ko‘rinishida aloxida yorug‘lik yoriqlari uchun, g‘ovakli qurilmalar esa nafaqat aloxida yorug‘lik yoriqlari, bazi xollarda binoning fasadini xam konstruksiyalash mumkin.