Sanoat binolari

Sex ichi maydonlari va zinapoyalari. Sanoat binolarida tehnologik jarayonni boshqarishni yo‘lga qo‘yish, tehnologik jixoz va qurilmalarni ekspluatatsiya qilish va tamirlash xamda boshqa maqsadlarni amalga oshirish maqsadida tehnologik jixoz va qurilmalar atrofida ochiq javonlar (etajerka), tehnologik ishchi maydonchalari, antresollar, ularni tik va bo‘ylama yo‘nalishda bog‘lovchi yo‘laklar va zinapoyalar loyixalanadi. Sanoat binolarida tehnologik ishchi maydonchalari sexda o‘rnatilgan tehnologik qurilma va jixozlarga xizmat ko‘rsatish, xom –ashyolar va mahsulotlarini yig‘ish va boshqa maqsadlarni amalga oshirish uchun loyixalanadi. Bunday maydonchalar asosiy xollarda tik yo‘nalishdagi tehnologik jarayonlarga ega bo‘lgan oziq-ovqat, kimyo sanoati va boshqa turdagi sexlar uchun xos sanaladi.

Rasm. Sanoat binolarida tehnologik ishchi maydonchalari, antresollar va ochiq javonlar.

Tehnologik ishchi maydonchalari binoning asosiy yuk ko‘taruv konstruksiyalariga maxkamlanadi, bazi xollarda esa o‘zining aloxida tayanchlariga ega bo‘ladi.

Antresollar sanoat binolarida asosan yarim qavatlar (poluetajы) sifatida loyixalanib ishlab chiqarish sexlarining maydonlarini kengaytirish yoki oshirish maqsadida qo‘llaniladi.
Ochiq javon (etajerka) lar ishlab chiqarish binolarining ishlab chiqarish sexlarida katta gabaritga ega bo‘lgan tehnolgik qurilmalar va jixozlarni joylashtirish uchun xizmat qiladi.
Zinapoya lar sanoat binolarida qavatlar, antresol qavatlari xamda ochiq javonlar xamda tehnologik ishchi maydonchalari orasidagi tik yo‘nalishdagi xarakatni bog‘lash uchun xizmat qiladi. Mo‘ljallanishiga qarab zinapoyalar asosiy (osnovnыe), xizmat (slujebnыe), yong‘inga qarshi (pojarnыe) va favqulodda xolatlar (avariynыe) uchun mo‘ljallangan turlarga bo‘linadi. Sanoat binolarining ishlab chiqarish va yordamchi binolarida qo‘llaniladigan asosiy zinapoyalar konstruksiyalari va tuzilishi bo‘yicha fuqaro binolarida qo‘llaniladigan zinapoyalardan farq qilmaydi. Zinapoya maydonchalari va marshlari yaxlit yoki aloxida-aloxida xolda loyixalanib, marshlar qiyaligi 1/2 nisbatda qabul qilinadi. Zinapoya pillapoyalarining o‘lchamlari 300x150 mm, marshlarning kengligi esa 1350, 1500 va 1750 mm kenglikda qabul qilinadi. Asosiy zinapoyalar orasidagi masofa binoning ishlab chiqarish kategoriyasi va yong‘inbardoshlik darajasidan kelib chiqib 30 m dan 100 m gacha qabul qilinadi.