Sanoat binolari

Rasm. G‘isht-tosh konstruksiyali parda devorlar.
a)-g‘ishtli ; b)-gipsolitli;

Turli shlaklar va boshqa turdagi g‘ovakli keramik mahsulotlardan ishlanadigan parda devorlar, eni 90 va 190 mm bo‘lgan kichiq o‘lchamli shlakli bloklardan xamda eni 120 mm bo‘lgan keramik bloklardan ishlanadi. Parda devorlar yuqori balandliklarda albatta o‘zaklanmog‘i (armirovannie) lozim va ishlab chiqarish jarayoni talablaridan kelib chiqqan xolda albatta ikki tomondan suvoqlanmog‘i shart.

Shishablokli va shishaprofilitli parda devorlar. Sanoat binolarini loyixalashda oxirgi vaqtlarda shishablokli (stekloblok) va shishaprofilitli (stekloprofilit) parda devorlardan foydalanish keng tus olmoqda. Bunday turdagi parda devorlar suvga chidamli, yaxshi ko‘rinishga ega va yaxshi yorug‘lik o‘tkazuvchanlik xususiyatiga egadir. SHishablok elementlari bo‘ylama va tik choklariga o‘zakli sterjenlar joylashtirilgan xolda sementli qorishmada o‘rnatiladi.

Shisha profilitli parda devorlar turli kesimga va bir xil balandlikka ega bo‘lgan shishaprofilit elementlaridan ishlanadi. SHisha profilit elementlarini xonaning pastki va Yuqorigi qismiga o‘rnatilgan o‘ramalarga (obvyazka) o‘rnatilib, shisha plastik elementlar orasidagi choklar maxsus mastika bilan to‘ldiriladi.
Karkasli parda devor konstruksiyalari yog‘och karkas, qoplama va to‘ldiruvchidan tashkil topadi. Xar 0,5.....1 m masofada joylashgan va ikki tomondan 20...25 mm qalinlikdagi taxtalar bilan qoplangan karkas konstruksiyasi orasidagi chok to‘kma mahsulotlar (shlak, keramzit va x.k. lar) bilan to‘ldiriladi. Karkas konstruksiyasi qoplamasi ustki tomondan gipsokarton bilan qoplanadi yoki gipsli qorishma bilan suvoqlanadi.

Rasm. Karkasli parda devorlar


Yog‘och konstruksiyali parda devorlar qalinligi 50 mm bo‘lgan taxtalardan tayyorlanadi va pastki tomondan o‘rnatilgan o‘ramalarga (obvyazka), Yuqori tomondan esa xona shiftiga maxkamlanadi. Parda devorlar ikki tomonidan gipsokartonlar yordamida qoplanadi yoki qalinligi 20 mm bo‘lgan gips qatlami bilan suvoqlanadi. Bunday turdagi parda devorlar ishlab chiqarishda murakkab bo‘lganligi sababli xozirgi kunda kam miqdorda foydalaniladi.