Sanoat binolari

a)-tavaqali; b)-suriladigan; v)-shtorli; g)-yig‘iluvchan;
Sanoat binolari eshiklarining konstruksiyalari xam xuddi fuqaro binolaridagiga o‘xshashdir. Ular fuqaro binolarining eshiklaridan o‘lchamlarining kattaligi, bezagining oddiyligi va zarur xorllarda yuqori mustaxkamligi bilan farq qiladi. Sanoat binolarida eshiklar metall va yog‘och elementlardan tayyorlanadi. Mo‘ljallanishiga qarab ular ichki va tashqi xolda loyixalanadi. Yog‘och eshiklar oynabandlangan va tekis (gluxoy) tarzda ishlab chiqariladi. Eshiklar balandligi 2,3 m va undan oshgandan so‘ng, eshiklarni albatta uchta ilgakka (petlya) osilmog‘i lozim.

Rasm. Sanoat binolarida qo‘llaniladigan eshik turlari.
Deraza romlarini tayyorlashda sanoat binolarida metall, alYuminiy qotishmalari va yog‘och elementlardan foydalaniladi.
Deraza romlari tashqi devor panellari konstruksiyalariga mos ravishda 6x1,2; 6x1,5; 6,0x1,8; 6,0x2,4 va 6,0x3,0 m o‘lchamlarda ishlab chiqariladi. Deraza romlari o‘rnatiladigan maydonning balandligi 20 m gacha bo‘lganda deraza romlari bir-birining ustiga o‘rnatiladi va boltlar yordamida bir-biriga maxkamlanadi va romlarning og‘irligi rom osti taxtasi orqali devor panellariga uzatiladi.

Rasm. Sanoat binolarida qo‘llaniladigan derazalar turlari.

Deraza romlari o‘rnatiladigan maydonning balandligi 20 m dan ziyod bo‘lganda deraza o‘rinlarini to‘ldiruvchilar tarkibiga bo‘ylama yo‘nalishdagi to‘sin (rigel) kiritiladi. Rom panellari ochiladigan va ochilmaydigan turlarga ajratiladi, yani bir yoki ikki qavatli tarzda oynabanlanadi. Oynabandlashning xar qanday turida xam bir qavatli oynabandlash tashqi tomondan amalga oshiriladi.