Самиғов н. А. Бино

Гипс ишлаб чиқариш. Гипс боғловчисини ишлаб чиқариш гипс тошидан кимѐвий боғланган 75% сувни буғлатиб юбориш билан изоҳланади. Ҳосил бўлган майда тош ҳолатдаги гипсни майдалаб кукунга айлантириб, ўта тез қотувчан гипс боғловчиси тайѐрланади. Ушбу жихатларни хисобга олиб гипс боғловчиси тайѐрлашни шартли равишда 3 усулга бўлиш мумкин:

1. 
   Гипс тоши майдаланади, туйилади ва пиширилади;
   
2. 
   Гипс тоши майдаланади, пиширилади ва туйилади;
   
3. 
   Гипс тоши майдаланади, юқори босимда буғланади ва қуритиб туйилади.
   

Гипс тоши гипс пишириш қозони, айланма хумдон, қуритиш барабани, шахтали тегирмон ва бошқа аппаратларда иссиқлик билан қайта ишланиб боғловчига айлантирилади.
Гипс боғловчисининг қотиши. Гипс боғловчиси сув билан аралаштирилганда икки молекула сувли гипс тошига айланади ва қотади:


CaSO₄+2H₂O → CaSO₄·2H₂O.
Профессор А.А. Байков назариясига биноан гипснинг қотиш жараѐнини уч босқичга бўлиши мумкин. Биринчи даврда гипс боғловчи заррачалари сувда эрийди ва ярим молекула сувли гипсдан икки молекула сувли гипс ҳосил бўлади. Икки молекула сувли гипс ярим молекула сувли гипсга нисбатан кам эриши сабабли, ярим молекула сувли гипснинг кимѐвий реакция бошланишида ҳосил бўлган тўйинган эритмаси икки молекула сувли гипсга нисбатан ўта тўйинган бўлиб, у эритмадан ажраган ҳолда ҳосил бўлади.
Иккинчи даврда ярим молекула сувли гипс сув билан бевосита реакция натижасида микрокристаллар ҳосил қилади ва тўйинган коллоид масса (гил) вужудга келади.
Учинчи даврда икки молекула сувли гипснинг коллоид заррачалари қайта кристалланиб нисбатан йирик кристаллар тўсиқларини ҳосил қилади. Микрокристаллар кристалл тўсиқларини ҳосил қилади ва ўзаро бирикиши натижасида гипс боғловчиси қаттиқ моддага айланади.
Гипс боғловчисининг мустаҳкамлигини ошириш учун 60 – 70⁰С ҳароратда қиздириш керак. Бир кг гипс боғловчиси гидратацияси натижасида 133 кЖ иссиқлик миқдори ажралиб чиқиши гипсдан махсулот тайѐрланганда унинг қуриши ва қотишини қисман тезлаштиради.

2.