Самиғов н. А. Бино

– БОБ. БИНО ВА ИНШООТЛАРНИ ТАЪМИРЛАШ ТАБИИЙ ТОШ МАТЕРИАЛЛАРИ

ТАЯНЧ ИБОРАЛАРИ: МОНОМИНЕРАЛ, ПОЛИМИНЕРАЛ, МАГМА, КВАРЦ, ДАЛА ШПАТИ, ГРАНИТ, ГЛИНОЗЕМ, ОҲАКТОШ, ГИПС ТОШИ, АНГИДРИТ, МАРМАР, МУСТАҲКАМЛИК, ЗИЧЛИК, ТЕКСТУРА, СУВГА БАРДОШЛИЛИК

1. Умумий маълумотлар

Дунѐ цивилизациясининг илк давридан эътиборан бино ва иншоотлар қурилишида табиий тош материаллари ишлатилган. Табиий тошлардан барпо этилган тарихий обидаларни ер шарининг барча худудларида учратиш мумкин. Миср пирамидалари, Месопотамия ва Ируссалим обидалари, Ҳиндистон эхромлари, Мексика ѐдгорликлари оҳактош, мармар, гранит ва оддий харсанг тошлар асосида қурилгани маълум. Греция амфитеатри, Венеция монументал бинолари, Санкт – Петербург шаҳри, Москва Кремли каби ноѐб архитектура ѐдгорликлари мажмуалари замин ва пойдеворлари табиий тошлардан барпо этилгани маълум.
Тарихий шаҳарларимиз Шаҳрисабз, Хива, Бухоро, Самарқанд, Термиз, Тошкент ва қўшни мамлакатлар худудида жойлашган Ўтрор, Туркистон, Кўхна Урганч, Ўш, Хўжанд каби қадимги шаҳарларда маданий ѐдгорликлар қурилишида маҳаллий табиий тошлар анъанавий усулларда ишлов берилиб ишлатилган. Ушбу шаҳарлар бино ва иншоотлари, инженерлик коммуникациялари қурилишида ишлатилган табиий тошлар намуналари тадқиқ этилганда, уларнинг хусусиятлари ўзгармаганини кўрамиз.
Табиий тош материаллари мураккаб геологик жараѐнлар натижасида ер қатламида ҳосил бўлган. Тоғ жинси муъайян таркибга ва структурага эга бўлиб, минераллардан ташкил топган. Минераллар ер қатламида юз берган физик – кимѐвий жараѐнлар натижасида пайдо бўлган. Табиатда минераллар тури 2000 дан ортиқ бўлсада, тоғ жинслари 50 га яқин минераллардан ташкил топган. Тоғ жинслари мономинералли ва полиминералли бўлади.
Бино ва иншоотларни таъмирлашда табиий тошлар бир – неча босқичда қайта ишланган ҳолда безак материал ѐки конструктив буюмлар – пойдевор, девор, пол ва ш.к. сифатида ишлатилади. Майдаланган тошлар фракцияларга ажратилиб турли таркибдаги қоришмалар, бетонлар ва бошқа композицион материаллар олишда тўлдиргичлар сифатида фойдаланилади. Улар қайта ишланмаган харсангтош, шағал – қум холатларда ҳам қурилиш тизимида ишлатилиши мумкин.

2.