Самиғов н. А. Бино

Органик иссиқлик изоляцияловчи материаллар

Органик иссиқлик изоляцияловчи материаллар шартли равишда табиий органик хом ашѐ ва синтетик полимерлар асосида тайѐрланган материалларга бўлинади.
Органик хом ашѐларга ѐғоч ва унинг чиқиндилари, каноп пояси, ғўза пояси, торф, қамиш, бир йиллик ўсимликлар, ҳайвон жуни ва бошқалар киради. Органик хом ашѐлар асосидаги композицион материаллар минерал ва органик боғловчилар заминида ҳам тайѐрланиши мумкин. Синтетик полимерлар асосида кўпчитилган (газли, кўпикли) пластмассалар олиш мақсадга мувофиқдир.

1. Табиий органик хом ашѐ асосидаги материаллар

Ёғоч пайрахали плиталар ѐғоч пайраха (жуни) ва фенол-формалдегид, карбамид смолалари (7-9%) асосида тайѐрланади. Материал таркибида 90% атрофида органик толасимон хом ашѐ бўлади.
Маҳсулот сифатини ошириш мақсадида таркибига гидрофоб, дифил кимѐвий моддалар, антисептиклар ва антипиренлар киритилади.
Ёғоч толали иссиқлик изоляцияси плиталари қурилишга яроқсиз ѐғочдан олинган толалар, қоғоз макулатура, жўхори пояси, ғўза пояси, каноп пояси, похол ва ш.к. асосида полимер боғловчилар қўшилиб иссиқ ҳолда пресслаб олинади. Уларнинг ўртача зичлиги 250 кгм³ атрофида, иссиқлик ўтказувчанлиги 0,07 Вт(м^.0С) гача бўлади.
Фибролит плиталари ѐғоч жуни ва ноорганик боғловчилар асосида олинади. Ёғоч жуни (узунлиги 200-500 мм, эни 2-5 мм ва қалинлиги 0,3-0,5 мм бўлган тола) арча, липа, осина, қарағайдан тайѐрланган калта тўсинчаларни махсус станокларда ишлов бериб олинади. Минерал боғловчи сифатида одатда портландцемент ишлатилади. Ёғоч жуни ва боғловчи яхши ѐпишиши учун қоришма таркибига калций хлорид минерализатор сифатида қўшилади. Фибролит плиталари ўртача зичлиги 300-500 кгм³, иссиқлик ўтказувчанлиги 0,1-0,15 Вт(м^.0С), эгилишдаги мустаҳкамлик чегараси 0,4-1,2 МПа. Плиталар 25, 50, 75 ва 100 мм қалинликда ишлаб чиқарилади.