Самиғов н. А. Бино

Акминит ва акмигран плиталар крахмал боғловчи асосида минерал пахта ѐки шиша пахтадан олинган гранулалардан тайѐрланади. Плиталар ишлаб чиқариш технологияси қуйидаги асосий жараѐнлардан иборат: минерал пахтани гранулалаш, боғловчи моддани тайѐрлаш, боғловчи ва гранулаларни аралаштириб қуйиш массасини тайѐрлаш, буюмларни қолиплаш, қуритиш, безак ишларини бажариш (жилвирлаш, калибровкалаш, бўяш). Боғловчи таркиби крахмал, карбоксилметилцеллюлоза, бентонит кукуни ҳамда гидрофобловчи ва антисептик қўшимчалардан иборат бўлади. Ҳозирги кунда озиқ-овқат маҳсулоти бўлган крахмал ўрнини босувчи турли боғловчилар таклиф этилмоқда.
Плиталар 300х300х20 мм ўлчамда ишлаб чиқарилади. Уларнинг ўртача зичлиги 320-360 кгм³, товуш ютиш коэффициенти 0,2-0,8. Плиталарнинг ўнг томони нураган оҳактош кўринишига ўхшатиб безак берилган ҳолатда тайѐрланади.
Акминит ва акмигран плиталар нисбий намлиги 70% гача бўлган жамоат биноларининг ички томонидан шипларни ва деворларни қоплаш учун ишлатилади. Плиталар кино-концерт заллари, ўқув юртлари аудиториялари
ва ш.к.ларни безашда кенг миқѐсда қўлланилади. Акминит ва акмигран плиталар металл профиллар ѐрдамида асосга тез ва осон маҳкамланади.
Ёғоч толали плиталар перфорацияланган ѐки ариқчалар очилиб безатилган ҳолда ишлаб чиқарилади. Плиталар ўнг юзаси елимли ѐки синтетик бўѐқлар билан пардозланади. Улар 1200х1200 мм дан 3000х1700 мм гача, қалинлиги 2-25 мм ўлчамларда ишлаб чиқарилади.
Плиталарнинг ўртача зичлиги 200-250 кгм³, товуш ютиш коэффициенти камида 0,3-0,4. Ёғоч толали плиталар акустик ва безак материаллар сифатида жамоат ва маданий-маиший бинолар ичини пардозлаш учун ишлатилади.
Газсиликатбетон асосида товуш ютувчи плиталар ва ―Силакпор‖ типидаги самарали плиткалар ишлаб чиқарилади. ―Силакпор‖нинг товуш ютиш коэффициенти 0,6-0,8, ўртача зичлиги 350-500 кгм³ атрофида, сиқилишдаги мустаҳкамлик чегараси 0,1 МПа.