Самиғов н. А. Бино

Бетон тайѐрлаш учун материаллар

Бетоннинг механик, деформатив, гидрофизик, термофизик хоссалари уни ташкил этувчи компонентларнинг айнан шундай хоссаларига мос бўлади.
Цемент. Бетон тайѐрлашда портландцемент ва унинг турлари, шлакли ва пуццоланли цементлар, гилтупроқли цемент ва бошқа цемент турлари ишлатилиши мумкин.
Цементнинг маркаси бетоннинг сиқилишдаги мустаҳкамлик чегараси бўйича маркасига нисбатан қуйидаги мутаносибликда белгиланади:

Бетон маркаси	М150	М200	М250	М300	М350	М400	М450	М500	М600 ва юқори
Цемент маркаси	М300	М300 М400	М400	М400 М500	М400 М500	М550 М600	М550 М600	М600	М600

Цемент маркаси муайян бетон маркаси учун тавсия этилганидан юқори бўлса, цемент таркибига майдалаб туйилган актив минераллар қўшилиши керак. Юқори активликдаги цемент таркибига диатомит, трепел, опока, глиеж каби табиий, домна ва ѐқилғи шлаклари, куллар ва ш.к. саноат чиқиндилари қўшилиб, цементни тежаш мумкин.

Бетонни ишлатишда иқлим шароитига қараб паст ѐки юқори экзотермик цементларни танлаш мақсадга мувофиқдир.