Самиғов н. А. Бино

1.2- расм. ЎзР табиий тошлари

1.3- расм. ЎзР гранитлари

1.4- расм. ЎзР мармарлари

Мармарнинг зичлиги 2,8 гсм³, сув шимувчанлиги 0,7 % гача, сиқилишдаги мустаҳкамлиги эса 100-300 МПа, қаттиқлиги 3-4. Мармар осон қайта ишланади, жилоланади. Мармар қурилишда ички ва ташқи деворларни безашда, зинапоя, дераза токчалари, чиқиндилари эса кошинкор бетон буюмлар, мураккаб безак қоришмалари тайѐрлашда ишлатилади. Мармар бинонинг ташқи безаги учун ишлатилганда вақт мобайнида, ҳаводаги намлик ва турли газлар таъсирида жилосини йўқотади.
Мармар Ўзбекистоннинг Нурота, Қурама, Чотқол тоғ тизмаларида кўплаб учрайди. Шулардан энг машхури Нурота мармар конлари тизимидир.(1.2-1.4-расмлар).

3. Табиий тошларнинг структураси ва хоссалари

1. Табиий тошларнинг микро ва макроструктураси

Тоғ жинси структураси уларни ташкил этувчи минералларнинг ўлчамлари, шакли ва нисбати билан белгиланади. Структура кристалли (ва донадор кристалли), порфирли, синиқ (чақиқ), шишасимон, оолитли ва ҳоказо бўлади.

Кристалл структурали жинслар тўлиқ кристалл шаклли ва нотўлиқ донадор шаклли бўлади. Кварцитлар ва мармарлар кристалли, гранитлар ва сиенитлар донадор кристалли структурага эгадир.Жинслар тўлиқ кристалли (гранитлар ва ш.к.), нотўлиқ (яримкристалли оҳактошлар ва ш .к.) бўлади.
Кристалл структурали жинсларда донадор ва порфирли структурадан фарқли равишда кристаллар ѐки донадор бир – бири билан бирор бир боғловчисиз бириккан бўлади.
Порфир структурали жинсларда турли ўлчамдаги алоҳида кристаллар ўзаро кўп миқдордаги зич, майин донадор ѐки шишасимон моддалар (масалан, порфирларда) билан бирикади.
Синиқ структурали жинслар аввал ҳосил бўлиб, кейин майдаланган жинслардан иборат. Улар синиқ бўлаклар ўлчамига кўра йирик бўлакли ва майда бўлакли турларга бўлинади.