Самиғов н. А. Бино

Кўпик шиша ячейкали структурага эга бўлиб, шиша ишлаб чиқариш шихтаси(кварц қуми, оҳактош, сода ва натрийли сулфат) ѐки шиша синиқлари асосида олинади. Кўпик шиша шиша кукуни ва газ ҳосил қилувчиларни (кокс ва оҳактош) эритиб, кўпчитиш жараѐни натижасида тайѐрланади. Кўпик шиша хумдондан брус шаклида узлуксиз чиқиб туради,
керакли ўлчамларда кесилади ва аста-секинлик билан совитилади. Кўпик шиша материали деворларида микроғоваклар кўп бўлгани учун юқори иссиқлик изоляцияси хусусиятига, юқори мустаҳкамликка, сув ва совуққа чидамлиликка эга бўлади.
Кўпик шишанинг ғоваклиги 80-95%, ўртача зичлиги 200-600 кгм³, иссиқлик ўтказувчанлиги 0,09-0,14 Вт(м^.0С), сиқилишдаги мустаҳкамлиги 2-
6 МПа. Кўпик шиша ѐнмайдиган материал бўлиб, 400⁰С ҳароратда ишлатилиши мумкин. Таркибида ишқор бўлмаган кўпик шишалар 600⁰С ҳароратда ўз хоссаларини ўзгартирмайди. Уларни осон кесиш мумкин. Кўпик шиша плиталар узунлиги 500 мм, эни 400 мм ва қалинлиги 70-140 мм ўлчамларда ишлаб чиқарилади ва иссиқлик тармоқлари, магистрал трубопроводлар, деворлар, шип, совуқхоналар қурилишида ишлатилади. Улар маданий-маиший биноларда акустик ва безак материали сифатида ишлатилади.
Стеклопор суюқ шиша ва минерал кукунлар (бўр, кварц қуми, ТЭС кули ва бошқ.) аралашмасини грануляциялаб ва кўпчитиб (320-360⁰С) олинади. Стеклопор учта маркада ишлаб чиқарилади: ―СЛ‖-_m15-40 кгм³,
=0,028-0,035 Вт(м^.0С); ‖Л‖-_m=40-80 кгм³, =0,032-0,04 Вт(м^.0С); ‖Т‖-
_m=80-120 кгм³, =0,038-0,05 Вт(м^.0С).
Стеклопор ва турли боғловчилар асосида композицион материаллар донали, мастикали ва қуйма ҳолатда иссиқлик изоляцияси учун ишлатилади.
Уни пенопластлар таркибига киритиб буюмларнинг мустаҳкамлигини, оловга бардошлилигини ошириш ва боғловчи сарфини камайтириш мумкин.

3. Асбест асосидаги буюмлар

Асбест асосидаги буюмларга асбест қоғоз, каноп, мато, плита ва бошқалар киради. Буюмлар боғловчилар (крахмал, казеин елими ва бошқ.) асосида ѐки боғловчисиз технологик усулларда олиниши мумкин.