Самиғов н. А. Бино

Шиша пахта асосидаги буюмлар

Осон эрийдиган шишаларни махсус технологиялар воситасида пахтага айлантирилади. Хом ашѐ сифатида шиша олиш шихтаси (кварц қуми, калцийлаштирилган сода ва натрий сулфат) ва шиша синиқлари ишлатилади. Шиша пахта олиш жараѐни қуйидагича: шиша массасини 1300-1400⁰С ҳароратда ваннали печларда эритиш; шиша толаларни тайѐрлаш; буюмларни қолиплаш.
Шиша толалар суюлтирилган массадан чўзиш ва пуфлаш усулларида тайѐрланади. Штабик усулида шиша толалар шиша таѐқчаларини эригунча қиздириб, айланма барабанларда чўзилади. Филер усулида суюқлантирилган шиша массаси филер тешиклари орқали (унча катта бўлмаган) ўтказилиб, барабанларга ўраб чўзилади. Пуфлаш усулида шиша тола суюқлантирилган шиша массаси сиқилган ҳаво ѐки буғ оқими таъсирида сочиб юборилади.
Ишлатилиш соҳасига кўра тўқимачилик ва иссиқлик изоляцияси (штапел) шиша толалари ишлаб чиқарилади. Тўқимачилик толаларининг ўртача диаметри 3-7 мкм, иссиқлик изоляцияси толаси эса 10-30 мкм.
Шиша толалари узунлиги, кимѐвий муҳитларга бардошлилиги ҳамда мустаҳкамлигининг юқорилиги билан минерал толалардан фарқланади. Шиша пахтанинг ўртача зичлиги 75-125 кгм³, иссиқлик ўтказувчанлиги 0,04- 0,052 Вт(м^.0С), иссиқликка чидамлилиги 450⁰С. Шиша толадан плиталар, полосалар, арматуралар, тўқима ва нотўқима буюмлар ва бошқа материаллар тайѐрланади. Матлар ва полосалар шиша толаларини шиша ип билан тикиб маҳкамлаб олинади. Бу буюмларнинг ўртача зичлиги 175 кгм³ гача, иссиқлик ўтказувчанлиги кўпи билан 0,04-0,05 Вт(м^.0С). Матлар узунлиги 1000-3000 мм, эни 200-700 мм ва қалинлиги 10-50 мм ҳолда ишлаб чиқарилади.
Шиша толали ва полимер боғловчилар асосида ярим бикр плиталар олинади. Уларнинг ўртача зичлиги 75 кгм³, иссиқлик ўтказувчанлиги 0,047 Вт(м^.0С).
Плиталар узунлиги 1000 мм, эни 500-1500мм ва қалинлиги 30-80мм ўлчамларда ишлаб чиқарилади. Шиша толаси асосидаги буюмлар қурилиш конструкцияларининг, технологик ускуналарнинг, 200⁰С ҳароратда ишлатиладиган трубопроводларнинг, саноат совуқхоналари деворларининг ва бошқаларнинг иссиқлик изоляциясида ишлатилади.