Самиғов н. А. Бино

Пенополивинилхлорид бикр ва эластик кўринишлари ишлаб чиқарилади. бикр поливинилхлорид –60⁰С дан 60⁰С ҳарорат орасида хоссаларини қисман ўзгартириши мумкин бўлган иссиқлик изоляцияси материалидир. У одатда сарғиш рангда бўлиб, таркибига турли рангдаги пигментлар киритиш натижасида исталган рангдаги маҳсулотни тайѐрлаш мумкин. Маҳсулот ўлчами 500х750 мм, қалинлиги 35-70 мм плиталар кўринишида ишлаб чиқарилади. Пенополивинилхлориднинг ўртача зичлиги 95-195 кгм³, иссиқлик ўтказувчанлиги 0,06 Вт(м^.0С), 24 соат ичидаги сув шимувчанлиги 0,3%, ишлатилиш ҳарорати 70⁰С атрофида бўлади. Улар
асосида плиталар қурилиш конструкциялари, саноат ускуналари ва трубопроводларнинг иссиқлик изоляцияси учун ишлатилади. Эластик пенополистирол ўрама маҳсулот кўринишида ишлаб чиқарилади ва иссиқлик изоляцияси ва безак материали сифатида қўлланилади. Пенополивинилхлорид материаллари сув ва агрессив муҳитларга чидамли ва пенополистирол, пенополиуретан кабиларга нисбатан камроқ ѐнувчандир.
Мипора карбамид-формалдегид полимери таркибига кўпиртирувчи ва қотирувчи компонентлар киритиб олинадиган жуда енгил иссиқлик изоляцияловчи материалдир. Мипоранинг ўртача зичлиги 10-20 кгм³, иссиқлик ўтказувчанлиги 0,026-0,03 Вт(м^.0С), ишлатиш ҳарорати 110⁰С гача. Юқори даражада гигроскопиклиги ва мустаҳкамлигининг пастлиги мипоранинг камчилиги ҳисобланади. Мипора каркас конструкцияларни, трубопроводларнинг, совутгичларнинг иссиқлик изоляцияси учун ишлатилади.
Карбамид смоласи, кукун тўлдиргич, қотирувчи ва газ ҳосил қилувчи компонент ва модификаторлар аралашмасини совуқ ҳолда кўпчитиб, ўта енгил ячейкали полимербетонлар олиш мумкин. Бу технологияда таркибида карбонатлар мавжуд бўлган кукунлар (бархан қуми, оҳактош, гилтупроқ ва ш.к.) билан кислоталар (ортофосфор кислотаси ва бошқ.) ўртасидаги кимѐвий реакция натижасида ҳосил бўладиган карбонат ангидриди гази туфайли ячейкали полимербетон олинади. Уларнинг ўртача зичлиги 80-200 кгм³, сиқилишдаги мустаҳкамлиги 2-8 МПа.