Самиғов н. А. Бино

Асбест қоғоз лист ѐки ўрама материал бўлиб, қуйидаги ўлчамларда ишлаб чиқарилади: листлар 1000х950мм, қалинлиги 0,5; 1,0 ва 1,5мм; ўрама қоғозлар полотносининг эни 670, 950 ва 1150 мм, қалинлиги 0,3; 0,4; 0,5; 0,65 ва 1,0 мм. Асбест қоғознинг ўртача зичлиги 650-1500 кгм³, иссиқлик ўтказувчанлиги 0,1 Вт(м^.0С), қўлланиладиган энг юқори ишчи ҳарорат 500⁰С.
Асбест каноп диаметри 0,75-55 мм ли бир нечта эшилган иплардан тайѐрланади. Асбест каноплар кичик диаметрли трубопроводларнинг (89 мм гача) ишчи ҳарорати 500⁰С гача бўлганда ва технологик ускуналарнинг иссиқлик изоляцияси учун ишлатилади.
Асбест мато асбест ипларидан тўқиш станоклари воситасида олинади ва узунлиги 25 м гача, эни 1м, қалинлиги 1,4-3,5 мм бир эн мато кўринишида ўрама материал сифатида ишлаб чиқарилади.
Асбест матонинг ўртача зичлиги 600 кгм³, иссиқлик ўтказувчанлиги тахминан 0,1 Вт(м^.0С). Асбест мато кичик диаметрли қувурларнинг иссиқлик изоляцияси учун ишлатилади. Бунда асбест матонинг юзаси парусина билан қопланади ѐки бўѐқ билан бўялади.
Асбест матраслар асбест матодан тикилиб, ичига иссиқлик изоляцияси материаллари (минерал ѐки шиша пахталар, толали асбест ва бошқ.) тўлдирилган тўшак кўринишида тайѐрланади. Матраслар узунлиги 8-10 м, қалинлиги 30-50 мм, эни талабга кўра бўлади. Асбест матрасининг ўртача зичлиги 300-400 кгм³, иссиқлик ўтказувчанлиги 0,09-0,11 Вт(м^.0С). Матраслар арматуралар, ускуналар, механизмлар ва ш.к. фланецли бирикмаларнинг олинадиган изоляцияси сифатида ишлатилади.
Совелит масса бўйича 85% доломит (СаСО₃^.МgСО₃) ва 15% асбест аралашмаси асосида олинади. Доломитга мураккаб қайта ишлов берилади: куйдирилади, куйдирилган доломит сўндирилади, СО₂ гази ѐрдамида корбонизациялаштирилади ва натижада тўрт молекула сувли магний карбонат ва магний гидроксиди комплекси МgСО₃^.Мg(OH)₂^.4H₂O ҳосил бўлади. Бу комплекс калций карбонат (СаСО₃) билан биргаликда чўктирилиб, совелит учун боғловчи ҳосил қилинади. Тайѐрланган буюм магнезиал ташкил этувчини декарбонлаштириш учун қуритилади ва тобланади. Ушбу жараѐн натижасида буюмнинг зичлиги ва иссиқлик ўтказувчанлиги камаяди, ҳароратга бардошлилиги ортади.
Совелит асосида узунлиги 500 мм, эни 170, 250, 500 мм, қалинлиги 40-75 мм ли плиталар, сегментлар ва узунлиги 500 мм, ички диаметри 57-426мм, қалинлиги 40-80мм ли ярим цилиндр тайѐрланади. Совелит кукуни сувда қорилиб изоляцияланадиган юзага суртилиши мумкин. Совелит буюмларнинг турғун ҳолатдаги ўртача зичлиги 400 кгм³ гача, иссиқ ўтказувчанлиги 0,083 Вт(м^.0С) гача бўлади.
Совелит буюмлар саноат ва технологик асбоб-ускуналар, трубопроводлар юзасини ишчи ҳарорат 500⁰С гача бўлганда термоизоляциялаш учун ишлатилади.