Samarqand viloyatida qishloq turizimini rivojlantirishning geografik xususiyatlari

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI SHAROF RASHIDOV NOMIDAGI SAMARQAND DAVLAT UNIVERSITETI “IJTIMOIY-IQTISODIY GEOGRAFIYA” KAFEDRASI Mutaxassislik: 5A140602 Geografiya (o`rganish ob’ekti bo`yicha) SAMARQAND VILOYATIDA QISHLOQ TURIZMINI RIVOJLANTIRISHNING GEOGRAFIK XUSUSIYATLARI mavzusidagi   MAGISTRLIK DISSERTATSIYASI Ilmiy rahbar dots. M.R. Usmonov Magistrant G.B. Barotova

Reja:

• KIRISH
• I BOB. QISHLOQ TURIZMINI HUDUDIY TASHKIL ETISHNING GEOGRAFIK XUSUSIYATLARI
• II BOB. SAMARQAND VILOYATIDA QISHLOQ TURIZMINI RIVOJLANTIRISH OMILLARI HAMDA IMKONIYATLARI
• III BOB. SAMARQAND VILOYATI QISHLOQ JOYLARIDA TURIZMINI RIVOJLANTIRISH ISTIQBOLLARI
• XULOSA
• FOYDALANGAN ADABIYOTLAR

Mavzuning dolzarbligi.

• Hozirgi kunda turizmning jahon xo‘jaligidagi hissasi yil sayin oshib, u muhim makroiqtisodiy tarmoqlar qatorida rivojlanmoqda. Mazkur soha dunyodagi ko‘pgina davlatlarning daromad manbai sifatida ularning milliy iqtisodiyotida asosiy o‘rin tutmoqda. Shu jihatdan O‘zbekistonda mazkur tarmoqqa e’tiborni kuchaytirish muhim masalalardan biridir. Qishloq hududlari o’lkan iqtisodiy, tabiiy, demografik, ekologik va ilmiy-madaniy salohiyatga ega bo‘lib, O‘zbekiston ijtimoiyiqtisodiy rivojlanishida muhim o‘rin tutadi. Shu munosabat bilan qishloq hududlarini barqaror rivojlantirish, bu yerda mavjud imkoniyatlardan samarali foydalanish respublikamiz hukumati davlat siyosatining ustuvor yo‘nalishlaridan hisoblanadi. Xususan, O‘zbekiston Respublikasi Prezidentining 2019 yil 23 oktyabrda qabul qilingan “O‘zbekiston Respublikasi qishloq xo‘jaligini rivojlantirishning 2020-2030 yillarga mo‘ljallangan strategiyasini tasdiqlash to‘g‘risida”gi PF-5853-son farmonida qishloq hududlarini barqaror rivojlantirishga alohida urg‘u berilgan1. Mamlakatda aholi farovonligini oshirish va iqtisodiyotni barqaror rivojlantirish bilan bog‘liq muammolarni samarali hal etish qishloq hududlarini izchil rivojlantirish bilan yaqindan bog‘liq.
• Geografiya fani XX asrning ikinchi yarmiga kelib yangi yo‘nalishlar, ya’ni, aholiga xizmat ko‘rsatish, tibbiyot, rekreatsiya va turizm kabi tarmoqlarni o‘rgana boshladi. Shu jihatdan ushbu fanda turizmni hududiy tomonlariga ham qiziqish oshib bormoqda. Fanning tabiiy geografiya tarmog‘i rekreatsiya resurslarini tabiiy geografik xususiyatlarini o‘rgansa, iqtisodiy va ijtimoiy geografiyada esa, turizm hamda rekreatsiya resurslarini baholash va ulardan foydalanish, hududiy turistik majmualar va turistik rayonlashtirishga katta e’tibor qaratiladi.
• So‘nggi yillarda O‘zbekiston Respublikasining sayyohlik salohiyati jadal sur`atlar bilan rivojlanib bormoqda. O‘zbekiston Respublikasi Prezidentining 2016 yil 2 dekabrdagi PF-4861-son «O‘zbekiston Respublikasining turizm sohasini jadal rivojlantirishni taminlash chora-tadbirlari to‘g‘risida»gi Farmoni, 2018 yil 3 fevraldagi PF-5326-son «O‘zbekiston Respublikasi turizm salohiyatini rivojlantirish uchun qulay sharoitlar yaratish bo‘yicha qo‘shimcha tashkiliy chora-tadbirlar to‘g‘risida»gi farmoni, 2018 yil 6 fevraldagi PQ-3509-son «Kirish turizmini rivojlantirish chora-tadbirlari to‘g‘risida»gi Qarori, 2018 yil 7 fevraldagi PQ-3514-son «Ichki turizmni jadal rivojlantirishni ta’minlash chora-tadbirlari to‘g‘risida»gi Qarori hamda mazkur faoliyatga tegishli boshqa meyoriy-huquqiy hujjatlarda belgilangan vazifalarni amalga oshirishga ushbu magistrlik dissertatsiya tadqiqoti muayyan darajada xizmat qiladi.