Ma’ruza №12. 12-mavzu. Shahar tarixiy hududlarini saqlash va ulardan foydalanish

MA’RUZA №12.
12-mavzu. Shahar tarixiy hududlarini saqlash va ulardan foydalanish. Ma’ruza rejasi:

1. 
   Shaharni rekonstruksiya qilish
   
2. 
   Tarixiy ansambl va komplekslarini rekonstruktsiya masalalari va ulardan foydalanish yo’llari.
   
3. 
   Tarixiy mahallalarni qayta tiklash ularni muhandislik jihozlash va transport tizimlarini tartibga solish.
   

Shahar doimiy rivojlanishda. Rivojlanishning turli omillari - aholi sonining o'zgarishi, rivojlangan hududlardan foydalanish hajmi va intensivligi - barqaror, sun'iy ravishda yaratilgan moddiy muhit bilan ziddiyatga keladi. Bu davom etayotgan, tarixiy jihatdan aniqlangan, ob'ektiv va maqsadli jarayon umumiy ma'noda shaharni qayta qurish deb ataladi.

Shahar - bu butunlay tugallangan o’zgarmas, turg’un tizim emas. Shahar
aholisi uni jamiyatning doimo o’zgarib boruvchi ehtiyojiga moslashtirib
borishadi. Oxirgi yillardagi shahar hududlarining va tabiiy zaxiraiarining ekstensiv O’zlashtirilishi tabiiy landshaftning degradatsiyasiga, inqiroziga va shahardagi ekologik vaziyatning keskin yomonlashishiga olib keldi.
Aholining mehnat va maishiy sharoitlarini yaxshilashga, shahar
muhitini izchil tarzda yangilashga va uning tizimini rivojlantirishga
qaratilgan inson faoliyati - shaharlar rekonstruksiyasi deb ataladi
Shaharlar rivojlanishi va rekonstruksiyasining rejalashtirilishi zamonaviy shaharsozlik xususiyatidir.
Rekonstruksiya (lotincha“re”-pristavkasi harakatning qaytalanishi»
yoki yangilanishni anglatadi va lotincha “constructio ” — qurmoq), 1) biron
narsani yaxshilash, takomillashtirish maqsadida tubdan qayta qurish, qayta
barpo etish (masalan, shahar rekonstruksiyasi, korxona rekonstruksiyasi);
2) biron narsani saqlanib qolgan qismlari yoki yozma manbaalarga
asoslangan holda tiklash (masalan, arxitektura yodgorliklarining
rekonstruksiyasi)