Samarqand veterinariya meditsinasi instituti farmakologiya, toksikologiya va veterinariya sanitariya ekspertizasi va gigiyena kafedrasi

11-Mavzu: Quyonda yoki boshqa hayvonda magniy sulfatning rezorbtiv ta’sirini tushuntirish.


Tajriba maqsadi:Magniy sulfatning parenteral yo’l bilan yuborilganda asta-sekin markaziy nerv sistemasini faoliyatini susaytiruvchi ta’sirini hamda kalsiy xlorni antidot ta’sirini kuzatish.
Kerakli jixozlar:Quyon fanendoskop, termometr, vata, spirt, shpris va ignalar, 25 %- li magniy sulfat eritmasi 10 %- li kalsiy xlor eritmasi.
Tajribani bajarish:Tajribadan oldin quyon tortiladi, Yurak qisqarishlari va nafas olishi sanaladi, ko’z qorachiqlari, quloq tomirlari xolati reflekslari tekshiriladi.
So’ngra belgilangan miqdorda ( 4 ml 1kg og’irligi hisobida) magniy sulfat eritmasi quyon terisi ostiga, har ikkala quloq ostiga yuboriladi va 5 minut davomida uqalanadi.
20 minutdan so’ng narkoz paydo bo’lgandan keyin quloq venasiga kalsiy xlorni 10 % li eritmasidan 1 kg og’irligiga 2 ml o’lchab olinib antidot sifatida yuboriladi. Bu dori vena orqali yuborilganda magnezial narkozni darxol inkor qiladi.
Ushbu dorilar ta’rifidan quyon organizmida bo’lgan o’zgarishlar to’g’risida qaror yoziladi.
RETSEPTLAR YoZISH:
Rp.:Solutionis Magnesii sulfatis 25%- 4.0
D.S. Teri ostiga. 1-martaga.
#
Rp.:Solutionis Calcii chloridi 10 %- 2.0
D.S. Vena qon tomiriga.


12-Mavzu: It yoki quyonda aminazin yoki boshqa neyroleptik moddaning rezorbtiv ta’sirini namoyish qilish.


Tajriba maqsadi: Aminazinni markaziy nerv sistemasiga tinchlantiruvchi neyroleptik ta’siri namoyish qilish.
Kerakli jixozlar: It 2,5% aminazin, shpris, igna, termometr, fanendaskop, paxta idish.
Aminazin-Aminazinum. Oq poroshok, suvda, spirtda yaxshi eriydi. “B” ro‘yxatda.
Aminazin-aktiv neyroleptik preparat bo‘lib, M.N.S va periferik nerv sistemasiga sezilarli murakkab ta’sirga ega. U katta yarimsharlar po‘stlog‘iga keladigan impulslarni susaytiradi yoki yo‘qotadi. Hayvonlarga maxsus ta’sir etib xarakat aktivligini kamaytiradi. Agar doza kuchaysa bu ta’sir ham kuchayadi, hayvonlar tinch uxlaydi, gavda muskullari bo‘shashadi, qitiqlovchilarga reaksiya kamayadi, stress holatidan chiqadi.
Yana spazmalitik, gipotermik, qusishga qarshi va qaltiroqqa qarshi ta’sirga ega, hayvonlardagi qo‘rquv, vahima, vaxshiylik holatlari yo‘qoladi.
Hayvonlarga og‘iz orqali, teri ostiga, muskulga va venaga yuboriladi.
Qo‘llash. Hayvonlarni stress holatlarida davolash va profilaktika uchun, salbiy emotsional holatda glyukoza yoki Vit A, B guruh bilan qo‘llansa samara yuqori bo‘ladi. Uni yana analgetik ta’sirini, narkotiklar ta’sirini uzaytirish, organizmni sun’iy sovutish, tug‘ishda og‘riqni kamaytirish, kamfora va nikotinni toksik ta’sirini olish uchun qo‘llaniladi.