Samarqand iqtisodiyot va servis instituti marketing kafedrasi

11.2-amaliy mashg‘ulot: Chet el hamkorlari bilan kelishuv aloqalari va bojxona rejimi.
Reja:
1. Tovar va bozor tamoyili bo‘yicha marketing xizmatini xususiyatlari.
2. Funksional tamoyili bo‘yicha marketing xizmatini xususiyatlari.
3. Marketing xizmatini yaratishning xorijiy tajribalari.
4. Global marketingda bojxona rejimi.
Nazorat va muhokama uchun savollar:
1. Tovar va bozor tamoyili bo‘yicha marketing xizmatini xususiyatlari nimada?
2. Funksional tamoyili bo‘yicha marketing xizmatini xususiyatlarini yoriting.
3. Marketing xizmatini yaratishning xorijiy tajribalari haqida nimalarni bilasiz?
4. Global marketingda bojxona rejimi qay tartibda faoliyat olib boradi?
Amaliy mashg‘ulotlar uchun toshpiriqlar:
1-topshiriq.
Tashqi savdo bitimi uchun kontragent tanlab olish bo‘yicha topshiriqda bayon qilingan vaziyatdan foydalanib, Andijon shahridagi ZPX O‘zbekiston firmasi va Banatam shahridagi «Jeneral refrejireytorz import LTD» firmasi o‘rtasida savdo-vositachilik konsignatsion bitimining loyihasini tayyorlash lozim.
Bitim loyihasiga konsignatsion shartnomaning barcha asosoiy shartlari­ni kiritish kerak: hududni belgilash, sotish huquqining xususiyati, konsignant va konmignator majburiyatlari, konsignatsiya turi, narx siyosatining yo‘nalishi, konsignatorga to‘lovlar va rag‘batlantirishlar tartibi, konsignatsiya muddati va shartnomaning o‘zining amal qilish muddati va sh. k.
Bitim loyihasini tuzishda shuni hisobga olish kerakki, mazkur bitim shu paytgacha ishbilarmonlik munosabatlarida bo‘lmagan sheriklarning birinchi shartnomasidir.
2-topshiriq.
Genuya shahridagi «Koe Klerichi» italyan firmasi xrom rudasini sotib olish bo‘yicha Toshkent shahridagi «O‘Zpromeksport» kompaniyasining doimiy sherigidir. O‘zbekiston firmasi olgan xatda italiyalik sherik 30 ming tonna xrom rudasini yetkazib berish haqida taklif tayyorlashni iltimos qilgan.
Topshiriq. Ko‘rsatilgan miqdordagi tovarga qat’iy oferta matnini tayyorlash zarur. Narxni ko‘rsatish uchun tegishlicha mavzudan eksport narxini hisoblash misolidan foydalanish lozim. Ofertada bo‘lg‘usi bitimning barcha zarur shartlarini nazarda tutish zarur: tovarning sifati, yetkazib berish muddati, topshirish-qabul qilish shartlari. Tovar dengiz yo‘li bilan Novorossiysk portidan jo‘natilishi nazarda tutiladi.
Oferta matnini tayyorlashda sheriklarning uzoq muddatli hamkor ekanligini hisobga olish lozim.