Samarqand davlat universiteti I. T. Ergashev, D. S. Normurodov, B. M. Eshonqulov sabzavot ekinlari seleksiyasi

Partiyadan oʻrtacha namuna olinadi. 
Oʻrtacha namuna – kontrol birlikdan olinib aniqlik uchun urugʻlik 
inspeksiyasiga beriladigan urugʻning ma‟lum miqdoriga aytiladi. Namuna 
xaltalardan bir marta olish usuli bilan olinadi. 
Bir xil sharoitda va xo`jalikda yetishtirilgan urugʻ miqdori 10 t. va undan 
kamroq boʻlsa – namuna qismlari har bir xaltani uch joyidan olinib, hamma 
olingan namunalar birlashtirilib dastlabki namuna tashkil qilinadi. Ular aralashtirib 
ikkita oʻrtacha namuna olinadi (biri urug` sifatini aniqlash uchun), ikkinchisi urugʻ 
namligini aniqlash uchun. 

---

60 
Tahlillar natijalari yorliqlarga yozib xaltalarga solinadi va ustiga tikib 
qoʻyiladi. Tahlillar natijalariga asosan “ekish sifatini belgilash uchun oʻtkazilgan 
«Tahlillar natijalari akti» tuziladi. 
Namunalar bir sutka ichida davlat urugʻ inspeksiyasiga topshirilishi kerak. 
Agar urugʻning hamma ekish sifatlari tekshirilgan boʻlsa va GOSTga javob 
bersa, Davlat urugʻ nazorati inspeksiyasi “Urugʻning kondisiyaligi toʻgʻrisida 
guvoxnoma” beradi. Agar talabga javob bermasa “analiz natijalari”ga qayd etiladi. 
Unuvchanligi toʻgʻrisidagi hujjat 1 klass urugʻlar uchun 8 oy davomida 2 
klass urugʻlar uchun esa 6 oy davomida oʻz kuchini saqlaydi. Birlamchi hujjatlarga 
asoslanib asosiy hujjatlar toʻldiriladi. 
Bular qoʻyidagilardir: 
1.
Elita va super elita attestati (ilmiy tadqiqot muassasi beradi). 
2.
Navlar uchun: “Urugʻ guvohnomasi”. 
3.
Duragaylar uchun: 
“Duragay Urugʻlar guvoxnomasi” (Urugʻni 
yetishtirgan xoʻjalik yoki tashkilot beradi). 
Hujjatlar nusxasi xoʻjalikda 3 yil saqlanadi. 
Ekilib, yetishtirilgan hosili (mevasi, ildizmevalari, urug`lari va boshqa 
qismlari) оziq-ovqat uchun ishlatiladigan urugʻlarga urugʻlarning qisqacha 
xarakteristikasi yozilgan ma‟lumotlar beriladi. 
Kichik hajmdagi urugʻlarga va doʻkonlarda sotiladigan urugʻlarga 
“Urugʻning nav va ekish sifatlari” toʻgʻrisida ma‟lumot beriladi.