Samarqand davlat universiteti filologiya fakulteti

Bir nima, bir nimalar, bir narsa singari gumon maʼnosidagi olmoshlar aksariyat hollarda demoq feʼli bilan birgalikda qoʻllanadi: bir nima desang-chi; bir nima demaysizmi; bir nimalar dedi, tushunmadim; bir narsalar dedi, eshitmadim kabi. Bir xil olmoshi kam uchraydi: Bir xil odamlar boy boʻlay deb toʻy qiladi. Birov ning qoʻllanishini, boshqa gumon olmoshlarga nisbatan olib qaraganda, soʻzlashuv uslubiga xoslangan deyish mumkin: Birov topib gapiradi, birov qopib gapiradi. Sening birovlar bilan ishing boʻlmasin! kabi.

Xulosa qilish mumkinki, soʻzlashuv uslubining asosiy alomatlaridan biri unda dialektal xususiyatlar aks etishi boʻlib hisoblanadi. Tilning umumiy qonuniyatlariga boʻysungan holda olmoshlarni qisqartirib qoʻllashga moyillik sezilishi va dialektal variantlarning qoʻllanishi ham bu uslubning ana shu oʻziga xosligidan kelib chiqadi.