Samarqand davlat universiteti biologiya fakulteti odam va hayvonlar fiziologiyasi va biokimyosi kafedrasi

2.Muvofiqlashtiruvchi shartsiz reflekslar ham segmentar darajada amalga oshiriladi. Lekin, elementar shartsiz refleks-lardan farqliroq, bir qator sikllarni o‘z ichiga oladi. Ushbu sikllar stereotip bo‘lsa ham, ijobiy va salbiy qaytar aloqalar asosida korreksiya qilishga yo‘l beradi. Oddiy muvofiqlashtiruvchi refleksga misol, antogonistik refleksni olsa bo‘ladi, u bukuvchi va yoyuvchi mushaklar qisqarishini muvofiqlashtiradi.

3.Integrativ shartsiz reflekslar - muvofiqlashgan harakat aktlarini, ularni vegetativ ta’minlanishi bilan birga, ma’lum bir biologik ahamiyatga ega majmuaviy reaksiyalarga sintezlashidir. Ular gomeostazni qo‘llab-quvvatlab turishni ta’minlaydilar va elementar hamda muvofiqlashtiruvchi reflekslarni korreksiya qilishni amalga oshiradi. Integrativ reflekslarni realizatsiyasi segmentlar usti mexanizmlari tomonidan belgilanadi (asosan miya ustunining pastki bo‘limlari, uzunchoq, o‘rta va oraliq miya, miyacha strukturalari tomonidan). Agar, elementar va muvofiqlashtiruvchi reflekslarni amalga oshirish uchun, qo‘zg‘atuvchining asosan fizik xususiyatlari va lokal qo‘llanishi ahamiyatga ega bo‘lsa, integrativ reflekslar organizmni bir butun (oddiy xulq-atvor aktlari, ularning vegetativ komponentlari bilan birga) javoblarini ta’minlaydi.