Samarqand davlat chet tillar instituti tarjimonlik fakulteti

II bob bo’yicha xulosa
Bayon qilingan fikrlar asosida quyidagi xulosalarga kelish mumkin:

1. 
   Badiiy asarda so’zni muhokama qilishdagi umumiy qoida - bu nutqiy elementning kontekstini tushunib yetishdir.
   

2. 
   Og’zaki va yozma badiiy asarlarning nutqi o’zi uchun intensiv ravishda ham og’zaki, ham yozmada, nutqiy faoliyatning eng turli-tuman shakllarini tanlaydi.
   
3. 
   O’zida badiiy nutqdan tashqari shakllarni singdirib, adabiyot osonlik bilan va shiddatli tarzda til normalaridan og’ishiga yo’l qo’yadi va nutqiy faoliyat sohasida yangilikni amalga oshiradi. Yozuvchilar va shoirlar til yaratguvchilari sifatida sahnaga chiqishadi. Badiiy nutq, nafaqat milliy tillarning boyligiga diqqatini qaratadi, balki ularni yaratadi va mustahkamlaydi.
   

4. 
   Badiiy nutq asar ichida muallif tomonidan qay tarzda hikoyalanishiga qarab yozuvchining fikrlash doirasi, yozish uslubi, falsafiy mushohadasi haqida tasavvur hosil qilinadi.
   

35

61. 
    BOB. BADIIY NUTQ TARJIMA JARAYONIDA VA UNI TAHLIL QILISH USULLARI (VOLE SHOYINKANING TANLANGAN SHE’RLARI
    

MISOLIDA)


3.1. Tarjima jarayonida badiiy nutq masalasi

Tarjima jarayonida badiiy nutq masalasi - bu katta, turli aspektlarga ega bo’lgan muammo hisoblanib, tadqiqotchilar oldiga bir qator uning yechimini topishini aniqlaydigan bir-biri bilan o’zaro bog’liq bo’lgan savollarni qo’yadi. Buning uchun tadqiqot uchun materiallar tahlilining til aspektining uning nutqdagi amalga oshgan ifodasi bilan birikishi kerak, bu esa tilning o’zaro ta’sirini statik tizim va nutqni dinamik tizim sifatida ko’rinishiga imkon beradi.

Matn o’rganilishining lisoniy va nutqiy aspektlari tarjimasi masalalarida umumiy va o’zaro uyg’un muammolar mavjud bo’lib, leksik birliklarni tahlil qiluvchi tilning o’ziga xos xususiyatlarisiz badiiy tarjima masalalarini tushunib yetish mumkin emas, boshqa bir tomondan ularni nutq doirasiga kirmasdan turib ham tasvirlab bo’lmaydi. Bu ikkita aspektning hissiy bo’yoqdorlikka ega leksik birliklarning A.N.Tolstoyning “Sarsonlikda” trilogiyasining tahlili jarayonida sintez qilinishi hamda uning T.Axtamova tomonidan tarjima qilinishi shuni ko’rsatdiki, badiiy tarjima muqobil birliklardan foydalanish yoki uning o’rindoshlarini izlash bilangina kifoyalanib qolmaydi. Ko’pgina holatlarda ijodiy o’ziga xoslik va tarjimonning ijodiy imkoniyatlarini aks ettiruvchi badiiy butunlikning original sistemasi yuzaga keladi.

“Sarsonlikda” - epik asar bo’lib, unda keng hudud va katta davrni qamrab olgan tarixiy global voqea-hodisalar avj oladi.Tarix qahramonlarning xatti-harakatlari va taqdirlari bilan o’zaro bog’langan munozaralar, tarixiy paralellar, assotsiatsiyalar ko’rinishlarida estetik faol fon obrazini beradi. Muallif nutqi turli xil personajlar nutqi bilan galma-gal kelib va qissanavislik negizida qurilib, asosiy rolini subyektiv-baholovchi, emotsional-ta’sirchan ma’lumot o’ynaydigan ma’lumotlar qatlamlarini yaratadi. A.N.Tolstoyning uslubini turlicha baholab, ko’pgina adabiyotshunoslar yozuvchi badiiy so’zining muhim belgisi madaniy-tarixiy fon, to’liq fojea va dramatizm yaratuvchi mantiqiy-tushuncha va obrazli-

36

emotsional asos hisoblanishini tasdiqlab o’tishgan. Muallif o’y-fikri mohiyati personajlar nutqi orqali ham eshitiladi. Bu A.N.Tolstoyning “badiiy fikrlash paralleligi” ning ko’rinishlaridan biridir. Baholovchi kontekst romanning baholash maydonini yaratib, muallif tilidagi va asosan, qahramonlar tilidagi singari katta miqdordagi emotsional-baholovchi so’zni chaqiradi

Muallifning o’zining tilida ko’pincha neytral so’zlar ishlatiladi. Lekin, tasvirlanayotgan hodisalarga muallifning munosabatini bera turib, ular roman

kontekstida emotsional-baholovchi fikrning ortishiga erishadi. X.X.Mahmudovning yozishicha, “guruhlarning har birida stilistik asos va stilistik sirti o’rtasidagi aloqani saqlash katta mehnat talab qiladi (bunday aloqa kommunikativ ahamiyatga ega bo’lib, tilning leksik-grammatik vositalari bilan ifodalanadi), lekin guruhlar orasidagi aloqa munosabatlarining saqlanishi, bu ikki guruh komponentlari, bunday aloqa ta’sirli xarakterga egaligi uchun, tarjimon uchun kutilmagan qiyinchilik tug’diradi. Axir, bosh obraz bilan bunday ta’sirchanlikning saqlanishi stilistik kompleks taqdirini va natijada, butun original kontekst taqdirini ham hal qiladi”.

Badiiy asarning baholash maydoni, nafaqat tildagi so’zning stilistik ma’nosi bilan, balki kontekstual ma’nosi, to’lig’icha kontekst bilan shakllanadi. Matnning neytral birliklari ham mag’izli, stilistik mazmunga boy birliklar, stilemalarga nisbatan periferiya ma’nosini olib, kontekst bilan bezaladi. Stilemalar tayyor asarni emas, balki yozuvchining noyob hissiyotini ifodalash uchun ishlatiladi. Shunday «yagona so’zlar» bo’lmish stilemalar har qanday haqiqiy yozuvchida mavjud va bir ijodiy kontekstni boshqasidan farqlaydi. Subyektiv jihatdan yozuvchining ijodiy asosi dunyoning individual tasvirini yaratuvchi intellektual emotsional-baholi ko’rinishdagi stilemalardan iborat. [33; 234-bet]

Bunday vaziyatda baholovchi-emotsional ma’no designit va konnotatsiya bilan qo’shiladi, shuningdek, ajralmas birlikda yaqqol ko’rinadi. U tarqoqligi, sochilganligi bilan xarakterlanib, yozuvchining obyektiv reallikka bo’lgan munosabatini bildiradi. Bunday munosabatning hosilasi dunyoni individual ko’rinishi va uni baholanishi bo’lgan intellektual va emotsional baho sanaladi.

37

Bunda stilemalar ma’nosi, “stilistik mazmuni” til birliklarining fikriy va lisoniy mohiyati yozuvchining badiiy hissiyoti bilan qiyofasi o’zgartirilgan o’ziga xos doirani ifodalaydi.

Stilema tushunchasi til dinamikasiga va madaniy, antropologik, ijtimoiy va subyektiv lahzalarni o’z ichiga olgan nolisoniy axborotlarning tasviri jarayoniga murojaat qilingan zamonaviy tilshunoslikning umumiy rivojlanish tendensiyasiga muvofiq bo’lgan badiiy matnning matn stilistikasiga bo’lgan munosabatlardan birini namoyon qiladi. U matnning konnotativ foni shakllangan kabi namoyon bo’ladi. V.N.Teliya madaniy konnotatsiya tushunchasini fanga kiritadi, ya’ni “bu umumiy ma’noda madaniyat darajalaridagi denotativ, obrazli asoslangan, kvazidenotativ aspektlarning interpretatsiyasi hisoblanadi. Madaniy konnotatsiya markazi, uning asosiy nerv markazi uning obrazli asosi sanaladi” [40; 214-bet]

Bir tomondan, shunday til birliklari mavjudki, ular o’zining emotsional-baholash ma’nolari bilan matn tarkibiga kiradi. Boshqa bir tomondan esa butun birlik sifatidagi matn mavjud bo’lib, emotsional-baholovchi, ta’sirli fonga ega bo’lib, ularni yaratishda stilemalar ishtirok etadi. Alohida so’zlarga badiiy kontekst stilemalarida yaratiladigan emotsional-baholovchi fonning ta’siri shunday vaziyatga yuzaga chiqadiki, unda nutqiy darajada so’nggisi ko’proq ifodaviy imkoniyatlariga, keng miqyosda aytganda ularning emotsional-baholovchi semantikasiga ega bo’ladi.

Har qanday badiiy asar kabi, “Sarsonlikda” romani aytilgan va ko’zda tutilgan narsalardan iborat. Unga matnga mos bo’lmagan, uning organik strukturaviy elementi sifatida yuzaga chiquvchi o’zining tag ma’nosi muvofiq keladi. Tag ma’no muallif tomonidan programmalashtiriladi, chunki badiiy matnning qabul qilinishi muallifning o’quvchi bilan ichki dialogini nazarda tutadi. Emotsional kontaktning vositalaridan biri konnotatsiya hisoblanib, u emotsional tag ma’noni yaratadi. Badiiy asar matnini o’rganish jarayonida tag ma’noga ega emotsional-baholovchi qatorni topish zaruriy shart sanaladi, va bu esa, shubhasiz, matnning asl matnga bo’lgan muqobilligi tushunchasini fanga kiritadi.

38

3.2. Badiiy nutqning grammatik, so’z yasalish va fonetik xususiyatlari va uning sintaksisi

Grammatika, so’z yasalishi va fonetika leksika va sintaksis kabi dunyo til modelining ishtirokchilari sanaladi. Turli tillarda dunyo turlicha eshitiladi, turlicha tuziladi, turli so’z yasalish modellari tavsiya qilinadi. Hattoki, turli tillarda hayvonlar ovozi ham turlicha eshitiladi. Masalan, itning xurushi o’zbek tilidagi “vov-vov”, rus tilida “gav-gav”, yapon tilida “vyan-vyan” shaklida qo’llaniladi. [25; 35-bet]

Har bir madaniyatni o’zining fonetik model dunyosi mavjud, unda o’zining birikmalari, tovushli ifodalar go’zalligi borasidagi tasavvurlar bor. Agar o’zbek kishisi, masalan, Pushkinning “Sizni sevar edim…” ni xitoy yoki vyetnam tilidagi tarjimasida eshitsa, intellektual shokka tushadi va Pushkinning matni juda g’alati eshitiladi. Hatto tilni bilmay turib, “benuqson” fonetika bilan to’qnashganimizda biz qandaydir o’zimizga tushunarsiz tovushlar o’yinini his etamiz.

Haqiqatan ham, grammatika, fonetika va so’z yasalishi badiiy ijodkorlikda katta rol o’ynaydi. Ko’pgina vaziyatlarda fonetik yoki grammatik birikmalar milliy yoki dunyo madaniyatida butun bir syujetlar yaratguvchi sifatida yuzaga kelishi mumkin. Shunday qilib, qadimiy yunonlar fonetik jihatdan o’xshash bo’lgan “Kronos” (Zevs o’ldirgan otasi) va “Xronos” (vaqt) so’zlari butun bir an’anani keltirib chiqardi. Aynan vaqt o’z bolalarini yeb qo’yadigan maxluq bilan bog’langan. Buyuk xudolar esa vaqt ustidan g’alabaga erishgan va abadiylikka erishgan. Bu fikrlar fonetik birikmalar natijasidir.

Malayziya ilohasi Aprodisning fonetik jihatdan yaqin yunon tilidagi “afros” (ko’pik) so’zi bilan yaqinligi Yevropa madaniyatining eng go’zal afsonalaridan biri bo’lgan “ko’pikda tug’ilgan go’zal Afrodita - sevgi ma’budasi” haqidagi afsonaga sabab bo’lgan. Hozirgi kunda butun dunyoda dengiz ko’pigidan dunyoga kelgan go’zalga bag’ishlangan minglab she’rlar va tasvirlar mavjud: Ey Afrodita, ko’pik bo’lib qol,

Qo’shiqqa so’z bo’lib qayta ol… (O.Mandelshtam)

39

Ingliz madaniyatida fonetik jihatdan yaqin bo’lgan “knight” (ritsar) va “night” (tun) so’zlari “tun ritsari” (“The knight of the night” iborasiga sabab bo’ladi, va bu ibora ko’pgina qirralari bilan ingliz va Yevropa madaniyatiga iblis va vampirdan tortib, soqchi va qahramon sifatida kirib keladi. Ko’rib turibmizki, fonetika, nafaqat nutqning ifodaliroq va go’zalroq bo’lishiga yordam berib qolmasdan, balki yana bir qancha vaziyatlarda obraz yoki syujetni yaratish uchun hal qiluvchi ma’noga ega bo’ladi.

Grammatika ham huddi shunday natijaviy xarakterga ega. Rus tilidagi rodlar (mujskoy va jenskiy) kategoriyasining mavjudligi jonsiz narsalarga nisbatan ishlatilganda, boshqa madaniyatda uchrata olmaydigan o’ziga xos syujetlar yaratadi.

Shunday qilib, fonetika va grammatika taassurotni kuchaytiribgina qolmasdan, balki bir qancha vaziyatlarda asarning ma’noviy markazini yaratish bilan asosiy rolni o’ynaydi.

Haqiqatda, tez-tez fonetik usullar - alliteratsiya (bir tipli undoshlar yig’ilishi) va assonans (bir tipli undoshlar yig’ilishi) o’zidan-o’zi ma’no tug’dirishmaydi, ular shunchaki yordamchilari funksiyasini bajaradi. Bir qancha shoirlar (asosan bu futuristlar uchun xarakterli) qandaydir sof jarangdorlikka ega mazmun anglatib, katta qiziqish uyg’otgan, lekin butunligicha muvaffaqiyatga olib bormagan.

Tovush va obraz o’rtasida, shubhasiz, o’zaro bog’liqlik mavjud, lekin muntazam emas, va ko’p kanalli aloqalarga ega, tegishli ravishda ko’pgina izohlashlarga ruxsat beradi.

Shunga o’xshash fikrni grammatika haqida ham aytish mumkin. Adabiyotda grammatik normalar turli maqsadlar bilan doimiy ravishda buzilib keladi. Gomer ijodida gekzametr (sakkiz misrali, musaddas uslubi) ni saqlash maqsadida grammatik normalardan voz kechadi. Yangi davr adabiyotida grammatika buzilishlari doimiy ravishda sodir bo’ladi. Bunday buzilishlar umumiy tarzda “anakoluf” nomini olgan, va hozirgi kunda anakoluf hamma joyda uchraydi. Bu tushuncha so’z birikmalarining o’zaro aloqalarining atayin buzilgani (ko’pincha qahramonning hayajonini berish uchun), va tugallanmagan yoki bo’lmasam

40

noto’g’ri tuzilgan gaplar (yoki hayajonni, yoki qahramonning ilmsizligini ta’kidlaydi), muallifning hosil qilgan shakllari bo’lib hisoblanadi. Aniq qilib aytganda, har qanday ko’zga tashlanuvchi inversiya hodisasi norma nuqtai nazaridan grammatik buzilish sanaladi.
Lekin fonetik va grammatik og’ishlar va topilmalar katta darajada rezonatorlar funksiyasini bajaradi. Badiiy asar og’irlik markazi, qoidaga ko’ra ular bilan bog’lanmagan. Boshqa bir masala - so’z yasalishidir. Bu yerda, asosan XX asr adabiyotida juda tez-tez badiiy nutqning mohiyati namayon bo’ladi. So’z ijodkorligi jarayoni o’zining original dunyo shaklini yaratish bilan bevosita bog’langan. Axir, o’ylab ko’radigan bo’lsak, unda har qanday asl metafora so’z yasalish elementidan tarkib topadi. Adabiyotda, asosan XX asr she’riyatida so’z yasalishining roli juda ham ulkan. Shoir juda ham tez-tez tilning imkoniyatlari tugasa yoki fikrni muqobili bilan ifodalash imkoni bo’lmay, qandaydir sabablarga ko’ra bir-biriga aloqasi bo’lmagan vaqtda so’zlarni yaratadi.

Velimir Xlebnikova ijodida so’z yasalishi poetik dunyo tuzilishining markazi bo’lishi qiyin kechadi. So’z yasalishi sohasidagi anchagina obro’li mutaxassislardan biri Xlebnikova, V.P.Grigoryev shu munosabat bilan yangi “mifoneologizm” atamasini kiritadi, bu esa shunday so’z yasalishiki, dunyoni haqiqatan qayta yaratib, qayta nomlaydi. [26; 3-bet]

Zamonaviy she’riyatni faol so’z ijodkorligi tashqarisida umuman tasavvur qilib bo’lmaydi. Boshqa masala shundaki, mohir shoirda so’z ijodkorligi birdan-bir maqsad bo’lmaydi. Bu yangi dunyo haqida nimadir deyish usulidir. Iste’dodi kamroq muallifda esa so’z o’yini ko’pincha birdan-bir maqsad bo’ladi, bu esa hech nimani ochib bermaydi va hech qayerga olib bormaydi.

Agar leksika predmetlar haqidagi kishilarning bilimini aks ettirsa va tushunchani shakllantirsa (har qanday so’z - doimo qandaydir ma’noda predmetning tushunilishidir), unda sintaksis predmet va tushuncha o’rtasidagi munosabatni aks ettiradi. Aytaylik, “qush uchyapti” gapi “qush” (bu leksika doirasida bo’lib, qushning nimaligini bilishimiz kerak) va “uchmoq” (bu ham leksika bo’lib biz uchishning nimaligini tushunamiz) o’rtasidagi munosabatni aks

41

ettiradi. Sintaksis vazifasi - shu tushunchalar o’rtasida aloqa o’rnatishdir. Sintaksis ham leksika singari dunyoning modelini yaratadi. Tillarning o’rnatgan sistemalarining turli madaniyatlardagi munosabatlari bir-biridan ancha farq qiladi. Shunday tillar ham borki, amalda zamon munosabati aks etmaydi. “U kecha baliq oviga bordi” jumlasi amalda o’sha tillarga tarjima qilish imkoni yo’q, chunki leksika “kecha va bugun” tushunchasini qayd etmagan, grammatika va sintaksis esa zamon munosabatini ifodalashga imkon bermaydi. U yoki bu sintaktik model bilan har qanday to’qnashuv qiyinchlik tug’diradi. Aynan shu sababli, masalan, o’zbek o’quvchi va talabalari, ingliz tilini o’rganayotib, zamonlar sistemasi bilan bog’liq qiyinchiliklarni boshdan kechiradi, asosan Perfect guruhidagi fe’llar bilan.

Badiiy adabiyotda sintaktik modelda leksikadagi kabi taqdir yotadi: badiiy nutq qo’yilgan normaga tayanadi, lekin bir vaqtning o’zida bu normani qandaydir yangi aloqalar o’rnatib zaiflashtiradi va shaklini o’zgartiradi.

Har bir yozuvchining o’zining sintaktik tasviri, badiiy dunyosida cheklangan o’zining afzal ko’rgan sistemasi mavjud. Ba’zilar aniq-ravshan sintaktik konstruksiyalarni afzal ko’rishadi, boshqalar esa (masalan, L.N.Tolstoy) - murakkab, og’ir konstruksiyalarni. She’r va nasrning sintaktik tasvirlari yaqqol farqlanadi.

Bir so’z bilan aytganda, matnning sintaktik tasviri ko’pgina omillarga bog’liq. Shular bilan birgalikda dunyo madaniyati tasvirlangan va “norma buzilishi” ning ko’pgina xarakterlari o’zlashtirilgan. Bularsiz hozirgi kunda badiiy nutqni umuman tasavvur qilib bo’lmaydi. Bunday usullar “sintaktik figuralar” nomini olgan. Bunday usullarning bir qismi bir vaqtning o’zida leksika va sintaksisga taaluqli bo’lib, ularni leksik-sintaktik deb atash qabul qilingan, boshqalari esa asosan sintaksis doirasiga taaluqli bo’lib, shu sababli haqiqiy sintaktik deb nomlanadi.

42

3.3. Badiiy nutqni tahlil qilish tamoyil va usullari (Vole Shoyinkaning tanlangan she’rlari misolida)

Badiiy nutqning lisoniy tahlili metodologiyasi dialektik tafakkur qonuniyatlariga asoslanadi. Metodologiya so’zi yunon tilidan olingan bo’lib, metodos - yo’l, usul va logos - ta’limot demakdir. Boshqacha qilib aytganda, insonning nazariy va amaliy faoliyatini to’g’ri uyushtirish, tashkil etish haqidagi ta’limotdir. Dialektik tafakkur narsa va hodisalarning mohiyati ularning bir-biri bilan aloqadorligi va rivojlanishi falsafiy qonunlar, tushunchalar (kategoriyalar) tizimi yordamida ochib beradi. Dialektikaning qonun va tushunchalari voqelikdagi narsa va hodisalarning eng umumiy aloqasini aks ettirib, insonda narsalarning mohiyatiga chuqur kirib borish va ongli tahlil qilish imkoniyatini yaratadi. Lekin mazkur qonuniyatlar muayyan badiiy asarga tatbiq qilinganida uning xususiy tomonlarini hisobga olish zarur. Shundan kelib chiqib, badiiy nutqni lisoniy tahlil qilish jarayonida quyidagi tamoyillarga tayanib ish ko’rilsa maqsadga muvofiq bo’ladi degan fikrdamiz:

1.