Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

2-MODUL. BOSHLANG‘ICH TA’LIM PEDAGOGIKASI
1-BOB. BOSHLANG‘ICH TA’LIM - UZLUKSIZ TA’LIMNING AJRALMAS QISMI
Reja:

1. 
   Boshlang‘ich ta’lim – uzluksiz ta’limning asosi. Maktabgacha, boshlang‘ich va о‘rta ta’limning о‘zaro aloqadorligi va uzluksizligi.
   
2. 
   Umumiy о‘rta ta’lim maktablarining I-XI sinflari uchun о‘quv yiliga mо‘ljallangan tayanch о‘quv rejasi.
   
3. 
   Boshlang‘ich ta’limda til ta’limini tashkil etishning dolzarb masalalari.
   
4. 
   Oila va ta’lim muassasasining ijtimoiy hamkorligi.
   

Tayanch sо‘z va iboralar: boshlang‘ich ta’lim, umumiy о‘rta ta’lim, til ta’limi, ijtimoiy hamkorlik


Boshlang‘ich ta’lim – uzluksiz ta’limning asosi. Maktabgacha, boshlang‘ich va о‘rta ta’limning о‘zaro aloqadorligi va uzluksizligi
Boshlang‘ich ta’lim umumiy о‘rta ta’lim olish uchun zarur bо‘lgan savodxonlik, bilim va kо‘nikma asoslarini shakllantirishga qaratilgandir. Maktabning birinchi sinfiga bolalar olti-yetti yoshidan qabul qilinadi [1].
«Bolalarni boshlang‘ich ta’limga majburiy bir yillik bepul tayyorlash tajriba guruhlari faoliyatini tashkil etish tartibi tо‘g‘risida»gi Nizom bolalarni boshlang‘ich ta’limga majburiy bir yillik bepul tayyorlash tajriba guruhlari faoliyatini tashkil etish tartibini belgilaydi. Tajriba guruhlari maktabgacha ta’lim muassasalariga bormaydigan bolalarga maktabgacha ta’lim va tarbiya olishda yordam berish, buning uchun zarur shart-sharoitlar yaratish maqsadida tashkil etiladi. Tajriba guruhlari maktabgacha ta’lim tizimining ajralmas qismi hisoblanadi va quyidagilar ularning asosiy vazifalari hisoblanadi:
bolalar har tomonlama aqliy, axloqiy, estetik va jismoniy kamol topishi uchun davlat talablariga muvofiq va ilg‘or xorijiy tajribani hisobga olgan holda shart-sharoitlar yaratish;
bolalarning sog‘lig‘ini muhofaza qilish va mustahkamlash;
bolaning aqliy, shaxsiy va jismoniy kamol topishini ta’minlash;
bolalarni milliy madaniyat va umuminsoniy qadriyatlar bilan tanishtirish;
о‘quv-tarbiya jarayoniga zamonaviy innovatsion pedagogik texnologiyalarni, ta’lim va tarbiyaning samarali shakllari va usullarini joriy etish;
bola shaxsining asoslarini shakllantirish, unda bilimga qiziqishni rivojlantirish;
bolalarni maktabda о‘qishga tayyorlash (1.1-jadvalga qarang) [15]:
1.1-jadval.