Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

IV. O‘tilgan mavzuni mustahkamlash: mavzuga oid guruhlar bir-biriga savollar berishi mumkin. Kichik guruhlarda ishlash natijalari o‘qituvchi toomonidan baholanadi.
V. Uyga vazifa: «Atrofimizdagi olam» darsligidagi «Qushlar bizning do‘stimiz» va «O‘qish» darsligidagi «Rivoyat» mavzularini o‘qish.
1-sinf
Mavzu: Inson va tabiat.
Maqsad:
a) ta’limiy maqsad: fanlararo ekologik bilimlarni shakllantirish;
b)tarbiyaviy maqsad: fanlararo ekologik tarbiya berish;
v)rivojlantiruvchi maqsad: fanlararo mantiqiy tafakkurni o‘stirish;
g) motivatsion maqsad: fanlararo mustaqil xulosaga kelish;
Jihoz: darsliklar, qog‘oz, flamaster.
Uslub: «Menyu» metodi.
Darsning borishi:

1. 
   Tashkiliy qism: Salomlashish, navbatchi axboroti, o‘quvchilarni darsga tayyorlash.
   
2. 
   Uy vazifasini so‘rash va baholash: takrorlash
   
3. 
   Yangi mavzu: Inson va tabiat.
   

Aziz o‘quvchilar bugungi mavzuimizni «O‘qish» va «Atrofimizdagi olam» fanlari aloqadorligida olib boramiz. O‘qituvchi kichik guruhlarda quyidagi topshiriqlarni beradi:
Yer insonlarga nima der ekan?
Bilasizmi?
Yer nima deb uqtirar?
Bizga yana so‘zlaydi?
Har bir guruh topshiriqni 3 daqiqa davomida bajarishadi. So‘ngra har bir guruhdan bir nafardan vakil o‘qituvchi oldiga kelishadi va tayyor «menyu»ni olib, o‘z joylariga qaytishadi. Bu uzun qirqilgan qogozlar – «tillar» bo‘lib, ularda «Yer nima der?» she’ri bayon qilingan. Guruh vakili tillardan tanlab olib keladi, keyin boshqa o‘quvchi shu ishni bajaradi va zarurik material yig‘ulguncha bu holat davom etadi. 10 daqiqa davomida topshiriq muhokama qilinadi. Boshqa guruh vakillari savollar berishadi, o‘qituvchi esa guruh faoliyatini baholab beradi.
O‘qituvchining tayyor menyulari quyidagi mazmunda bo‘ladi:
Bilmasizmi, ona yer
Hammamizga nima der?
Eng birinchi bizga u
Deydi: menga ko‘ngil ber.
U bizlarga uqtirar:
- Mehnat qilgan har yer.
- Hosil beray, deb aytar, -
Peshonadan to‘ksang ter.
Bizga yana so‘zlaydi:
- Yaxshilarga gullar ter.
Eng oxirgi so‘zi soz:
- Bor ekanman, yashayver.