Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

7.2-rasm. Aralash dars turining tarkibiy-tashkiliy-tuzilishi


Umumlashtiruvchi dars – bu o‘quv dasturining ma’lum bir qismi (bob, bo‘lim yoki ayrim mavzu) o‘tib bo‘lganidan keyin o‘tiladigan dars mashg‘uloti. Umumiy o‘rta ta’lim maktablarining yuqori sinflarida ba’zi o‘quv materiallarining ma’lum qismi yoki yirik mavzuni boshlashdan avval kirish dars ham olib boriladi. Bunday darslar, odatda, ijtimoiy fanlar bo‘yicha o‘tkaziladi [28; 125-b.].


Dars ishlanmalari namunalari. Uyga vazifalar
1-sinf
Mavzu: Qushlar bizning do‘stimiz.
Maqsad:
a) ta’limiy maqsad: fanlararo ekologik bilimlarni shakllantirish.
b) tarbiyaviy maqsad: fanlararo ekologik tarbiya berish
v) rivojlantiruvchi maqsad: fanlararo mantiqiy tafakkurni o‘stirish.
g) motivatsion maqsad: fanlararo mustaqil xulosaga kelish
Jihoz: darsliklar, qog‘oz, flamaster.
Uslub: «Kichik guruhlarda ishlash».
Darsning borishi:

1. 
   Tashkiliy qism: Salomlashish, navbatchi axboroti, o‘quvchilarni darsga tayyorlash.
   
2. 
   Uy vazifasini so‘rash va baholash: takrorlash
   
3. 
   Yangi mavzu: Qushlar bizning do‘stimiz
   

Aziz o‘quvchilar bugungi mavzuimizni «Atrofimizdagi olam» va «O‘qish» fanlari aloqadorligida olib boramiz. Mazkur mavzuni «Kichik guruhlarda ishlash» usuli yordamida o‘rganamiz. Sinf o‘quvchilari 2-3 o‘quvchidan iborat guruhlarga bo‘linadi. Kichik guruh a’zolarining biri «Atrofimizdagi olam» darsligidagi «Qushlar bizning do‘stimiz» mavzusini, ikkinchisi esa «O‘qish» darsligidagi «Rivoyat» mavzusini o‘zlashtiradilar. Xar bir guruh mavzuga oid darslikdagi materiallar bilan ta’minlanadi hamda ular oldiga qo‘yilgan muammo «Qushlar bizning do‘stimiz» mazmunida quyidagi topshiriqlarni oladi:
qushlarning parvarishi;
qushlar va inson do‘stligi;
rivoyat ma’nosini aniqlash;
qushlar parvarishi rasmlar orqali ifodalash;
rivoyat ma’nosini rasm orqali ifodalash.
Har bir guruh topshiriqni 3 daqiqa davomida bajarishadi, muammoga oid materiallarni topib, suratlarni chizib va matnni sharhlaydi. Har bir guruh hisobot beradi. Boshqa guruh o‘quvchilari savollar berishadi va ishni baholashadi. Mavzu umumlashtiriladi.
O‘qituvchi zarurat tug‘ilsa guruhlar yoniga navbatma-navbat kelib to‘g‘ri yo‘nalishda ishlayotganligini qayd etadi va ularga yordam beradi Guruhlar yakuniy bosqichda rasmlar asosida axborot beradilar. Guruh sardori guruhdagi muammo yechimini aniqlab beradi.