Said Ahmad "Qorakoʻz majnun"

"Qorakoʻz majnun" hikoyasi

Said Ahmad

"Qorakoʻz majnun" hikoyasi taniqli oʻzbek yozuvchisi Said Ahmad qalamiga mansubdir. Uning bu hikoyasi mustaqillik yillarida yozilgan boʻlib, asarda bir onaning farzandiga boʻlgan mehr- muhabbati, farzandi uchun chekkan iztiroblari tasvirlangan. Asar qahramoni Saodat aya dindor, dono ayol. U qiz Qumrixon bilan birga turardi. Qumrixon ikki marta turmushga chiqqan, lekin farzand koʻrmay, qaytib kelgan edi. Bu Saodat ayani tashvishlantirardi. Saodat aya har namozida Qumrixonni baxtini tilab duo qilardi. Saodat aya qaysi farzandi uyiga bormasin, Qumrixonni oʻylab qaytib kelardi.

Saodat ayaning toʻngʻich oʻgʻli Boʻrixon Rossiyaga harbiy hizmat safariga ketib qaytib kelmagan , onasini holidan xabar olmagan bir farzand edi. Shunga qaramay Saodat aya oʻgʻlini kelishini umid bilan kutadi.

Xoʻsh, nega Boʻrixon qaytib kelmadi?, nega onasini holidan xabar olmadi?

Boʻrixon harbiy xizmat safari paytida bir ruhoniy qizini sevib qoladi. Buning natijasida, bir musulmon farzandi sevgi deb, oʻz dinidan, tilidan, oilasidan voz kechdi. Boʻrixon onasiga bir itchalik vafodor boʻlolmadi.

Saodat aya oʻgʻliga berolmagan mehrni "Qorakoʻz" nomli itga berdi. U shu it bilan ovundi.It Saodat aya bergan mehrni oqladi, lekin Boʻrixon onaning oqsutini oqlolmadi.

Qorakoʻz Saodat ayaning ketidan qolmas, qayerga borsa ortidan borardi. Saodat aya kasalxonaga tushganida, Qorakoʻz qish boʻlishiga qaramay, uni kutib bir oy kasalxona hovlisida kutadi.

Boʻrixon onasining oʻlimiga sababchi boʻldi . Bir kechada uni adoyi tamom qildi. Balki kelmaganida, Saodat aya oʻlmasdi, farzandini kutishda davom etardi.

Saodat aya vafot etgandan soʻng, Qorakoʻz Saodat ayani qidirib , farzandlari uyiga borib kelardi, lekin topolmasdi. Bundan Qorakoʻzning vafodorligini yana bir bor koʻrishimiz mumkin. Afsuski Qorakoʻz ham uzoq yashamadi.

Inson oʻz iymonini yoʻqotar ekan, eng tuban jonzotga aylanib qolishi mumkin. Bilaks, bazı hayvonlarda shunday ezgu fazilatlarni koʻrib qolamizki, ularni insonlarning barchasida ham koʻrish imkonsiz.