Ro‘yxatga olindi

Fakultet UK raisi : I. Hayitov
Fanning ishchi o‘quv dasturi Tabiiy fanlar fakulteti ilmiy kengashining 2017- yil - avgustdagi -sonli yig‘ilishida tasdiqlangan va foydalanishga tavsiya etilgan.


Fakultet kengashi raisi: B. Boysunov
Fanning ishchi o‘quv dasturi Tabiiy fanlar fakulteti uslubiy kengashining 2017- yil - avgustdagi -sonli yig‘ilishida tasdiqlangan.


O‘quv uslubiy boshqarma boshlig‘i N. Xolmirzayev
kirish


“Ta’lim to‘g‘risida”gi qonun va “Kadrlar tayyorlash Milliy dasturi”da ko‘rsatib o‘tilgan yoshlarga tabiiy va aniq fanlar bo‘yicha chuqur bilim berish va raqobatbardosh kimyogar mutaxassislar tayyorlash ta’lim sohasida olib borilayotgan ishlar orqali amalga oshirishga qaratilganligi bilan belgilanadi.
Organik kimyo fanining vujudga kelishi va taraqqiyoti mobaynida paydo bo‘lgan nazariyalar, qonuniyatlar, qoidalar, kimyoviy bog‘ning xususiyatlari, molekuladagi atomlarning o‘zaro ta’siri kabi masalalarni tushuntirish orqali “Organik birikmalarning tuzilish nazariyasi” fanini chuqur o‘rgatish uning nazariy asoslarini shakllantirishga imkon beradi.


Fanning maqsadi va vazifalari

Fanni o‘qitishdan maqsad kimyo yo‘nalishi bo‘yicha bakalavrlar tayyorlashdagi muhim fan sifatida organik birikmalarning tuzilishi va xossalari o‘rtasidagi bog‘liqlikni organik kimyodagi nazariyalar, tushunchalar, qonunlar va qoidalar orqali chuqurroq ochib berishdan iborat.

Fanning vazifasi organik birikmalarning ko‘pligi va xilma-xilligini uglerod atomining tuzilishi va elementlar davriy sistemasidagi o‘rni, izomeriya hodisasi bilan ilmiy asoslash;

• 
  organik birikma molekulasi xossalarining uning tarkibiga kiruvchi atomlarning tabiatiga, ularning miqdoriga, molekulaning kimyoviy, elektron hamda fazoviy tuzilishiga bog‘liqligini ko‘rsatish;
  
• 
  organik birikma xossalari bilan uning tarkibidagi kimyoviy bog‘larning tabiati orasidagi bog‘liqlikni tushuntirish;
  
• 
  organik birikmalarning kislotalilik, asoslilik va amfoterlik xossalarining muhitga va sharoitga bog‘liqligini ko‘rsatish;
  
• 
  konformatsiya, konfiguratsiya, dinamik stereokimyo, molekulyar asimmetriya, diastereomerlar, enantiomerlar bilan tanishtirish;
  
• 
  vodorod bog‘, induksion va mezomer ta’sirning modda fizik-kimyoviy xossalariga ta’sirini ko‘rsatish;
  
• 
  organik reaksiyalarning sharoitlari va mexanizmlari o‘rtasidagi bog‘liqlikni ochib berishdan iborat.