Рўйхати махсус саволлар

Савол:
Ушбу вазиятга ҳуқуқий баҳо беринг.
Касаба уюшмалари бирлашмасига аъзо бўлиш тартибини тушунтиринг қандай?


20-казус.
Тошкент шаҳар Миробод туманида истиқомат қилувчи фуқаро Р.Давлатов 7 ёшга тўлган фарзандлари К.Давлатов ва И. Давлатоваларни инглиз тилидан чуқурроқ билим олишларини хоҳлаб, ҳақ эвазига таълим бериладиган чет элликлар томонидан очилган хусусий умумий таълим муассасасига ўқишга берди. Бироқ кейинчалик фарзандларига берилаётган таълимдан кўнгли тўлмай, хусусий мактаб маъмуриятига мурожаат қилди. Мактаб маъмурияти эса ушбу муассасада билим бериш жараёни хорижий стандартларга асосида амалга оширилгани учун, бу ҳолатни ўзгартириш мумкин эмаслигини таъкидлади. Фуқаро Р.Давлатов ушбу жавобдан қониқмасдан, Миробод туман халқ таълими бўлимига шикоят билан мурожаат қилди. Биров бу ердаги мутасадди шахслар фақатгина давлат таълим муассасалари устидангина назорат олиб боришлари мумкинлигин айтиб, фуқаро Р.Давлатовнинг шикоятини рад этдилар.
Савол:
Ушбу вазиятга ҳуқуқий баҳо беринг.
Миробод туман халқ таълими бўлимининг харакатлари қонунийми?


21-казус.
Тошкент шаҳар Юнусобод туманида истиқомат қилувчи 30 ёшлик фуқаро Н.Нишонова иш қидириб Тошкент шаҳар статистика бошқармасига борди. Туман меҳнат биржасининг берган маълумотларига кўра, ушбу бошқармада бир нечта бўш иш ўринлари мавжуд экан. Фуқаро Н.Нишонова ушбу бошқарманинг бошлиғи ҳузурига кириб, оилавий сабабларга кўра шу вақтгача ҳеч қаерда меҳнат фаолияти билан шуғулланмагани, аммо университетни имтиёзли диплом билан тугатгани ва жуда ҳам эпчил, мослашувчан ҳамда ҳамма нарсани тез ўрганиш қобилиятига эга эканини айтди. Бироқ бошқарманинг бошлиғи фуқаро Н.Нишонованинг шу вақтгача ҳеч қаерда ишламаганини, бунинг устига аёл киши бўлганини важ қилиб, ишга қабул қилиш ҳақидаги мурожаатини рад этди. Кейинчалик фуқаро Н.Нишонова, ушбу бошқармада аёл кишиларни ишга қабул қилиниши амалда йўқлиги ва унинг иш стажи эга эмаслиги шунчаки баҳона эканини билди.