Рўйхати махсус саволлар

Савол:
Ушбу вазиятга ҳуқуқий баҳо беринг.
Юқоридаги ҳолатда қандай йўл тутиш мақсадга мувофиқ?


16-казус.
2019 йилда Сирдарё вилояти Сайхунобод тумани ҳудудида жойлашган Пахтани қайта ишлаш заводи ишчилари 6 ойдан бери ойлик иш ҳақи олмай келаётганлиги юзасидан Сайхунобод туман прокуратурасига мурожаат қилдилар. Фуқароларнинг шикоятига асосан, туман прокуратураси томонидан мазкур заводда текширув амалга оширилди. Текширув жараёнидан хабар топган ишчиларнинг бир гуруҳи юқоридаги масаланинг қонуний, ҳар томонлама ва холисона ҳал этилиши мумкинлигини назарда тутиб, уларнинг аризаларини доимий истиқомат қиладиган ҳудуд прокуратурасига юборишни сўраб, Сайхунобод туман прокуратурасига мурожаат қилдилар. Бироқ туман прокурори ушбу вазият юзасидан ўз эътирозини билдириб, бундай турдаги ариза жавобгар жойлашган ҳудуддаги прокуратура органида кўриб чиқилишини таъкидлаб ўтди.
Савол:
Юзага келган вазиятга ҳуқуқий баҳо беринг.
Прокуратура органлари томонидан қонунийликни таъминлаш усулларини санаб беринг.
17-казус
Айбланувчи Ҳабиб Мамбетжанов унга нисбатан бўлган жиноят иши терговида уни адвокат Фарход Назаров ҳимоя қилишини билдирди. Адвокат Фарход Назаров ушбу жиноят ишида иштирок этишга тайинланган бўлиб, Ҳабиб Мамбетжановнинг тўловга қобилиятсизлигини важ қилиб, унга юридик ёрдам кўрсатишдан бош тортди.
Масалани атрофлича муҳокама қилиб, ечими юзасидан фикрингизни баён қилинг.
18-казус.
Фуқаро А.Тулаев фуқаролик паспортининг амал қилиш муддати тугаётганлиги сабабли Юнусабод тумани ИИБнинг мазкур соҳада ваколатли бўлган Хорижга чиқиш-келиш ва фуқароликни расмийлаштириш бўлимига мурожаат қилди. Тегишли ҳужжатларни расмийлаштириб келган фуқаро А.Тулаев янги типдаги паспорт олиш учун расмга тушди ва хорижга чиқиш-келиш ва фуқароликни расмийлаштириш бўлими томонидан бир ҳафта муддат ичида янги паспорти тайёр бўлишини ва улар томонидан телефон қилиб бу ҳақда ҳабар берилиши тўғрисида огоҳлантирилди. Белгиланган муддатдан бир ҳафта ўтгандан сўнг ҳам фуқаро А.Тулаевга паспортини тайёр бўлганлиги ҳақида ҳабар бўлмади. Шундай сўнг у Хорижга чиқиш-келиш ва фуқароликни расмийлаштириш бўлими масъул ходимига мазкур ҳолат юзасидан мурожаат қилганда, ходим унга телефон қилинганлиги, аммо телефон хизмат кўрсатиш доирасидан ташқарида бўлганлиги учун маълум қилинмаганини ҳамда кеч қолганлиги учун бир ҳафтадан кейин келишини айтди.
Савол:
Юзага келган вазиятга ҳуқуқий баҳо беринг.
Мазкур масалада фуқаро А.Тулаев қандай конституциявий ҳуқуқлари бузилмоқда?


19-казус.
Татар миллатига мансуб бўлган фуқаро И.Аблялимов “Маржон” хусусий корхонасига ишга кирди. Корхонада юқори лавозимда ишловчи шахслар томонидан фуқаро И.Аблялимовнинг миллатини ҳақорат қилувчи мазмундаги мақоллар билан унинг нафсониятига тегиш одат тусига айланди. Ушбу масалада фуқаро И.Аблялимов касаба уюшмасига мурожаат қилмоқчи бўлди. Корхонада ходимлар сони етарлича бўлмаганлиги боис касаба уюшмаси ташкил этилмаган эди. И. Аблялимов ўзининг юқоридаги масалани ҳал қилиш ва ўзининг меҳнат ҳуқуқларини ҳимоя қилишни кафолатлаш мақсадида касаба уюшмасига аъзо бўлиш истагини билдирди. Бироқ иш берувчи корхонада касаба уюшмаси тузиш имкони йўқлигини қайд этди. И. туман ҳокимлигига мурожаат қилиб тумандаги касаба уюшмалари бирлашмасига аъзо бўлиш истаги борлигини билдирди. Бироқ туман касаба уюшмалари бирлашмасида мавжуд корхоналар рўйхатида “Маржон” хусусий корхонаси йўқ эканлигини айтиб ўтган ҳолда И.Аблялимовни аъзоликка қабул қила олмаслигини таъкидлади.