Рўйхати махсус саволлар

5-казус.
2019 йил ноябрда фуқаро Шакаров Ш. сайлов участкасига мурожаат қилиб ўзини сайловчилар рўйхатига киритиб қўйишини сўрайди. Участка раиси унга аниқ сайловчилар миқдори бор эканлигини, сайловчилар рўйхатга олинган вақтда у яқшаш жойида бўлмаганлиги туфайли киритилмаганлигини таъкидлайди. Ўз навбатида, Шакаров Ш. бир кун аввал Ўзбекистон Республикаси фуқаролигига эга бўлганлигини ва барча фуқаролар каби сайловда иштирок этиш ҳуқуқига эгалигини айтиб ўтди. Сайлов участкаси раиси Шакаров Ш. билдирган важларга эътибор қаратмасдан, рўйхатга олиш жараёни якунланганлигини ва рўйхат юқори турувчи комиссияга тақдим этилганлигини маълум қилди. Шакаров Ш. юзага келган ҳолат бўйича жиноят ишлари бўйича туман судига шикоят аризаси билан мурожаат қилди.
Савол:
Вазиятга ҳуқуқий баҳо беринг.
Сайловчилар рўйхатини шакллантириш тартибини қонун ҳужжатлари асосида ёритинг.
Участка сайлов комиссияси раисининг харакатлари тўғрими? Фикрингизни ҳуқуқий асослантиринг.


6-казус
Фуқаро А.А. қўшнисининг уйидан катта миқдордаги пул буюмларини ўғирлаганлиги аниқланди ва қилмишини унинг ўзи ҳам тан олиб, ўғирлаган буюмларини эгасига қайтарди. Маҳалладошлари унинг содир этган қилмишини жамоатчилик олдида муҳокама қилиш ва фуқаро А.А.ни маҳалладан мажбурий равишда бутунлай чиқариб юбориш лозимлигини билдирдилар.
Муаммоли вазиятга изоҳ бериб, ечими юзасидан тушунтириш беринг.


7-казус.
Фуқаро А.Файзуллаев ўзининг бузилган ҳуқуқларини тиклаш мақсадида туман ички ишлар органига мурожаат қилди. Ички ишлар органи ушбу мурожаат бошқа органларига тааллуқли эканлиги боис, уни туман прокуратурасига юборди. Туман прокуратураси ички ишлар идораси ишдаги айрим ҳолатларни инобатга олмаганлигини келтириб, бу масала бўйича ички ишлар идораси шуғулланиши лозимлигини қайд этиб мурожаатни ички ишлар идорасига қайтарди. Бу орада қонунда белгиланган ариза ва шикоятларни кўриб чиқиш муддати ўтиб кетди. Фуқаро ички ишлар идорасига мурожаатнинг натижасидан хабардор бўлиш учун борганида ушбу шикоятни қонунда белгиланган муддатда кўриб чиқишлигини айтди. Ушбу ҳолатда қонунийлик принципига қанчалик риоя этилган.
Савол:
Вазиятга ҳуқуқий баҳо беринг.
Қонунийлик принципини ёритинг.
Жисмоний ва юридик шахсларнинг мурожаатларини кўриб чиқиш тартиби ва муддатларини қонун ҳужжатлари асосида ёритинг.


8-казус.
Фуқаро М.Собиров хизмат вазифаси зарурати билан Тошкент шаҳрига оиласи билан кўчиб келди. Участка нозири 4 кун ичида турган жойи бўйича ҳисобга туриши лозимлигини расман маълум қилди. Фуқаро М.Собиров доимий рўйхатдан ўтмоқчи бўлиб ҳудуддаги милиция таянч пунктига мурожаат этганида участка инспектори фуқаро М.Собировни Тошкент шахрида доимий рўйхатдан ўтишга ҳуқуқий йўқлигини айтиб, турган жойи бўйича рўйхатдан ўтиши мумкинлигини таъкидлаб ўтди. Фуқаро М.Собиров турган жойи бўича рўйхатдан ўтмоқчи бўлганда, эса ҳужжатлардаги айрим камчиликларни важ қилиб, фуқаронинг мурожаатини рад этди. Бундан норози бўлган фуқаро М.Собиров прокуратура органларига мурожаат қилди. У ўз мурожаатида Ўзбекистон Республикаси Конституциясида фуқаро республика ҳудудида бир жойдан иккинчи жойга кўчиш ҳуқуқи мавжуд эканлигини қайд этди.