Рўйхатга олинди №

Фаннинг ўқув режадаги бошқа фанлар билан ўзаро боғлиқлиги
Ушбу фан мутахассислик фани ҳисобланиб, дастурни амалга ошириш бакалавриатура ўқув режасида режалаштирилган математик ва табиий-илмий, умумкасбий ва ихтисослик фанларидан етарли билим ва кўникмаларга эга бўлишни талаб этади. “Ноорганик кимё” фанини ривожланиш натижаси ўлароқ, “Бионоорганик кимёнинг долзарб муаммолари” фани замонавий органик, аналитик ва физикавий кимё ҳамда биокимё ва тиббиёт фанлари билан узвий боғланган. Бионоорганик бирикмалар тузилиши ва хоссаларини ўрганишда физик усулларнинг моҳияти ва назарий асосларидан ҳам етарли билим ва малакага эга бўлишлик талаб этилади.


Фанни ўқитишда замонавий ахборот ва педагогик технологиялар

Магистрантларнинг “Бионоорганик кимёнинг долзарб муаммолари” фанини ўзлаштиришлари учун ўқитишнинг илғор ва замонавий усулларидан фойдаланиш, янги ахборот-педагогик технологияларни тадбиқ қилиш муҳим аҳамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар ва электрон манбалардан фойдаланилади.

Маъруза, лаборатория ва семинар машғулотларда мос равишла илғор педагогик технологиялардан ҳамда мавзуларига доир плакат ва жадваллардан, даврий системадан ва слайдлардан фойдаланиш назарда тутилади.

Бионоорганик кимёнинг долзарб муаммолари курсини лойиҳалаштиришда қуйидаги асосий концептуал ёндашувлардан фойдаланилади:
Шахсга йўналтирилган таълим. Бу таълим ўз мохиятига кўра таълим жараёнининг барча иштирокчиларини тўлақонли ривожланишларини кўзда тутади. Бу эса таълимни лойихалаштирилаётганда, албатта, маълум бир таълим олувчининг шахсини эмас, аввало, келгусидаги мутахассислик фаолияти билан боғлик ўқиш мақсадларидан келиб чиққан ҳолда ёндошилишни назарда тутади.
Тизимли ёндошув. Таълим технологияси тизимнинг барча белгиларини ўзида мужассам этмоғи лозим: жараённинг мантиқийлиги, унинг барча бўғинларини ўзаро боғланганлиги, яхлитлиги.
Фаолиятга йўналтирилган ёндошув. Шахснинг жараёнли сифатларини шакллантиришга, таълим олувчининг фаолиятни активлаштириш ва интенсивлаштириш, ўқув жараёнида унинг барча қобилияти ва имкониятлари, ташаббускорлигини очишга йўналтирилган таълимни ифодалайди.