Restoran biznesini shakllanishining o’ziga xos xususiyatlari

Restoranlar uchun taom va kulinar mahsulotlar assortimentlari minimumi.¹⁰

№	Taomlar guruxi	Restoran toifalari bo`yicha taom va kulinar mahsulotlar soni
		1-toifa
1	Sovuq taom va gazaklar	12
1.1	Shu jumladan issiq gazaklar	2
2	Suyuq taomlar	4
3	Ikkinchi taomlar	11
4	Shirin taomlar	5
5	Konditer mahsulotlari	5
6	Ichimliklar	5

Restoranlar taomnomasini tuzishda yuqoridagi jadvalda keltirilgan ko`rsatkichlarga tayanilganda bir qator sifat o`zgarishlariga, ya‘ni restoranda tayyorlanadigan taomlar xilma-xilligiga va shu orqali mijozlar tanlashi imkoniyatining oshishiga erishiladi. Bu esa o`z navbatida inson organizmining ozuqaviy va biologik faol moddalarga bo`lgan ehtiyojini qondirish uchun imkoniyat yaratadi. Shu bois restoran taomnomalarini yuqoridagi me‘yor asosida tuzilishi restoran xizmatlari sifatining oshishi uchun asosiy omillardan biri bo`lib xizmat qiladi.

Shuningdek, mijozlarga xizmat ko`rsatish jarayonida ofitsiantlar xizmat ko`rsatish madaniyatiga, ya‘ni buyurtmani bajarish davomida taomlar va ichimliklarni uzatish qoidalariga, ular orasidagi vaqt me‘yorlariga va etiket qoidalariga rioya qilishi lozim. Shu bilan birga taom va ichimliklarning texnologiyasi va xususiyatlarini, hisob- kitob qilish qoidalarini bilishi va ularga amal qilishi shart.

Restoran faoliyatining boshqa turdagi ovqatlanish korxonalaridan farqlovchi jihatlaridan biri mijozlarni ma‘daniy xordiq chiqarishlarini ta‘minlash uchun ko`rsatiladigan xizmatlardir. Restorandagi bunday xizmatlar turli xildagi shou dasturlari, musiqiy chiqishlar va boshqa madaniy dasturlar ko`rinishida bo`lishi mumkin bo`lib, bu xizmatlarni amalga oshirishda ham tegishli me‘yorlardan chekinmaslik maqsadlidir.

Keyingi paytlarda restoranlar xizmatlaridan foydalanayotgan mijozlar sonining ortib borishi restoranlarda ko`rsatiladigan qo`shimcha xizmatlar (uyga buyurtma olish, taksiga buyurtma olish, suratga tushirish va boshqalar)ning ko`payishiga olib kelmoqda. Bu esa o`z navbatida restoran nufuzining yanada ortishini ta‘minlaydi.

Xulosa qilib aytganda, yuqorida qayd etilgan barcha omillar restoran faoliyati jarayonlari tizimining elementlari hisoblanadi. Ushbu omillarning o`z vaqtida va belgilangan me‘yorlarda bajarilishi ovqatlantirish xizmatlarining sifatini, shu jumladan restoranlarda ko`rsatiladigan xizmatlarning sifatini belgilaydi.