Respublikasi oliy va o‘rta maxsus ta’lim vazirligi

Tarkibida oqsillar mavjud o‘simliklar.

Bular dukkakli o‘simliklar: loviya, mosh, no‘xat, soya, yasmiq. Bulardan tashqari yong‘oq va o‘simlik urug‘larida, o‘rik, bodom, pista mag‘izlarida oqsillar ko‘p. Go‘sht iste’- mol qilmaydiganlar yong‘oq va o‘simlik urug‘lari, mag‘izlar bilan go‘sht o‘rnini to‘ldiradilar, chunki bular oqsillarga boy. O‘simlik mahsulotlari oqsillar bo‘yicha go‘shtga tenglasha oladi. Ular ozuqa tolalari (to‘qimalari), temir, kalsiyga boy, shuning bilan birga ularda xolesterin yo‘q. Dukkakli ekinlarda yog‘ kam. Faqat soya o‘simligida yog‘ ko‘p, undan sanoat yo‘li bilan soya yog‘i olinadi.
Soyadagi oqsillarning sifati yuqori. Soyaning o‘zi deyarli iste’mol qilinmaydi, chunki u yaxshi hazm bo‘lmaydi. Soyadan un ishlab chiqariladi va sof oqsil ajratib olinadi.
1 9
Soya uni yoki olingan oqsillar kotlet, kolbasa, sosiska va boshqa go‘shti kam taomlarga qo‘shiladi. Soya unidan sut tayyorlanadi.
No‘xat, loviya, dukkaklilar — oqsillar, C vitamini, B guruh vitaminlari, temir moddasiga boy o‘simliklardir. Biroq bular qorinni shishiradi va yel hosil qiladi. Ammo muntazam iste’mol qilinganda kishi oshqozoni ularga o‘rganib qoladi. Ularni har kun iste’mol qilish — sog‘liqni yaxshilash yo‘lidir. Ularni ko‘k holatda yeyish ayni foydalidir.
Yuksak biologik qimmatga ega, oqsili mo‘l, vitamin va o‘simlik yog‘i mavjud o‘simlik — bu yong‘oqdir. Yong‘oqda 60 % gacha o‘simlik yog‘i bor. Kungaboqar pistalarida ham xuddi shuncha yog‘ bor. Qo‘ziqorinda ham oqsillar mo‘l, biroq qo‘ziqorin oqsillari boshqalarga qaraganda yaxshi hazm bo‘lmaydi.