Республикаси олий ва ўрта махсус таълим вазирлиги

Доу назарияси

Техник таҳлил асосчиси саналган Чарльз Доу вақт бўйича нарх ҳаракатини тавсифлайдиган назария таклиф қилган. Чарльз Доу америкалик журналист,
«Wall Street Journal» газетасининг биринчи муҳаррири ва Доу-Жонс индексини ишлаб чиққан мутахассислардан бири бўлган.
У қуйидагиларга эътибор қаратган:

1. 
   нархлар тартибсиз равишда ҳаракат қилади ва умумий йўналишни аниқлаш учун маълум бир ўртача кўрсаткич топиш лозим. Шу тариқа Доу-Жонс индекси пайдо бўлган;
   
2. 
   инвесторлар пессимизми ва оптимизми галма-галдан келиб, ўрин алмашиб туради. Кайфиятлар ўзгариши қаерда рўй беришини тушуниш муҳим, холос. Шу тариқа тренд таҳлили пайдо бўлган.
   

Доу назарияси қоидалари

1. 
   Уч хил трендлар тури мавжуд:
   

• 
  бирламчи ёки узоқ муддатли (primary);
  
• 
  иккиламчи ёки оралиқ (intermediate);
  
• 
  кичик ёки қисқа муддатли (short-term).
  

2. Ҳар битта бирламчи тренд уч босқичга эга:

• 
  жамғариш босқичи;
  
• 
  иштирок этиш босқичи;
  
• 
  амалга ошириш (сотиш) босқичи.
  

3. 
   Фонд бозори барча янгиликларни ҳисобга олади.
   
4. 
   Биржа индекслари мувофиқлаштирилган бўлиши лозим.
   
5. 
   Трендлар савдо ҳажми билан тасдиқланади.
   
6. 
   Трендлар тўхтатиш ҳақида узил-кесил сигнал келмагунга қадар амал қилади.
   

Мисол
«Амалдаги тренд йўналишни ўзгартиришдан кўра кўпроқ эҳтимоллик билан узаяди» ёки «тренд кучсизланмагунга қадар битта йўналишда давом этади» қоидасига риоя қилиш зарур. Трендга мос келмайдиган нарх ўзгаришлари вақтинчалик тузатиш киритиш сифатида талқин қилиниши зарур, трендни алмаштириш сифатида эмас. Фақат бурилиш узил-кесил тасдиқлаганидан сўнггина тренд ўзгарди деб айтиш ва қарама-қарши позицияга кириш мумкин.
11.2-жадвал