Республикаси олий ва ўрта махсус таълим вазирлиги

Акциялар таснифи

шакли бўйича ^{-ҳужжатли}
-ҳужжатсиз

тасарруф этиш характери бўйича
улушларни акс эттириш усули бўйича

-номи кўрсатилган

-кўрсатувчига бериладиган

-номиналли

-номиналсиз

Шаклига қараб:

–ҳужжатли;
–ҳужжатсиз.

4.1-расм. Акциялар таснифи.

Тасарруф этиш характерига қараб:
–номи кўрсатилган.
–кўрсатувчига бериладиган. Бундай акциялар Франция, Швейцария ва Германияда устунлик қилади (эркин муомалада бўлади, эмитентда муайян эгасига ёзиб қўйилмаган).

Акция тақдим этадиган улушларни акс эттириш кўламига қараб:

–номиналли. Акция номинали биринчи чиқарилишда қайд қилинади. Кейинчалик номинал ўз маъносини йўқотади, чунки қўшимча чиқарилишларда акция бозор нархига яқин нархларда сотилади;
–номиналсиз. Бир қатор мамлакатларда (жумладан, АҚШда) акцияларни номинали кўрсатилмаган ҳолда чиқаришга рухсат этилади.

Ҳуқуқлар бутунлигига қараб:

–бутун. Битта бутун акция унинг эгасига битта овоз тақдим этади. Қонунчиликда акциядорлар ҳуқуқлари тенглигига риоя қилиш учун фақат

бутун акциялар чиқариш имконияти кўзда тутилган. Бироқ бўлак (касрли) акция пайдо бўлиши мумкин бўлган ҳолатлар ҳам мавжуд;
–бўлак. Бўлак акция акциядорга – унинг эгасига мос келувчи тоифадаги (турдаги) акция берадиган ҳуқуқларни у ифодалайдиган бутун акциянинг мос келувчи қисми ҳажмида тақдим этади. Бўлак акциялар бир неча ҳолатда пайдо бўлиши мумкин. Масалан, агар 22 та акциядан иборат бўлган мерос бешта меросхўр ўртасида тақсимланадиган бўлса, бу ҳолатда ҳар бир меросхўрга 4,4 та акция тўғри келади (22 : 5 = 4,4 акция).