Республикаси олий ва ўрта махсус таълим вазирлиги

Тўловлар манбаси.

Дивидендлар жорий йил учун соф фойдадан тўланади. Дастлаб имтиёзли акциялар бўйича, сўнгра – оддий акциялар бўйича дивидендлар тўланади. Имтиёзли акциялар бўйича дивидендлар бунинг учун махсус ташкил қилинган фондлар ҳисобидан тўланиши мумкин.

4. Даврийлик.

Қонунга мувофиқ, жамият дивидендларни ҳар чорак (биринчи чорак, олти ой, тўққиз ой якунлари бўйича) ёки бир йилда бир марта тўлаши мумкин.

5. Муддатлар.

Дивиденд тўловлари жараёни стандарт бўлиб, бир неча босқичда бўлиб ўтади.
А) Ким дивиденд олиш ҳуқуқига эга эканлигини аниқлаш учун экс- дивиденд сана белгиланади: акцияларни шу санагача харид қилган шахслар ўтган давр учун дивиденд ҳуқуқига эга бўлади; акцияларни шу куни ва кейинроқ харид қилган шахслар бундай ҳуқуққа эга эмас.
Б) рўйхатга олиш (реестрни ёпиш) санаси – эълон қилинган дивидендларни олиш ҳуқуқига эга бўлган акциядорлар рўйхатдан ўтказиладиган кун. Бу санага махсус ҳужжат – дивиденд олиш ҳуқуқига эга бўлган шахслар рўйхати тузилади. У акциядорлар умумий йиғилишини чақириш ҳақида қарор қабул қилганда Директорлар Кенгаши белгилаб берадиган санага тузилади. Бу сана ҳақида ахборот акциядорларга у белгиланган санадан беш кундан ортиқ бўлмаган муддатда маълум қилинади (ушбу ахборотни компания сайтидан олиш энг қулай ҳисобланади). Худди шу санага жамиятда яна бир ҳужжат – умумий йиғилишда иштирок этиш ҳуқуқига эга бўлган шахслар рўйхати тузилади.
В) Дивидендлар эълон қилиш санаси – бу Директорлар Кенгаши дивиденд тўловлари, уларнинг ҳажми, рўйхатга олиш санаси ва тўлов санаси ҳақида қарор қабул қиладиган кун. Дивиденд тўловлари санаси жамият низомида ёки акциядорлар умумий йиғилишининг қарори билан белгиланади. Агар на низомда, на акциядорлар умумий йиғилиши қарори билан бундай сана белгиланган бўлмаса, тўлов муддати тўлов ҳақида қарор қабул қилинган кундан бошлаб 60 кундан ошмаслиги лозим.
Бу сана иккиламчи бозорда акциянинг курс қийматини аниқлаш учун ҳам муҳим (дивиденд эълон қилинган пайтда акциянинг иккиламчи бозордаги нархи, қоидага кўра, дивиденд ҳажмига пасаяди).
Г) тўлов санаси – бу дивидендларни амалда тўлаш амалга ошириладиган
кун.

6.