Республикаси олий ва ўрта махсус таълим вазирлиги

3 ойдан сўнг арбитражер форвард шартномасини ижро этади (акцияни 210 сўмга сотади) ва кредитни фоизлар билан бирга қайтаради: 200 X (1 + 0,12 X 3/12)
= 206 сўм.
Ҳаммаси бўлиб, арбитраж фойда: 210 – 206 = 4 сўм.

2. 
   Фараз қилайлик, жорий фьючерс нарх 201 сўмга тенг. Шунда арбитражер
   

бугунги кунда:

• 
  ижро этиш нархи 210 сўмга тенг бўлган форвард шартнома бўйича узун позиция очади;
  
• 
  акцияни қарзга олади ва уни нақд бозорда 200 сўмга сотади;
  
• 
  200 сўмни йиллик 12% ставкада уч ойлик депозитга жойлаштиради.
  

3 ойдан сўнг арбитражер депозит бўйича 200 x (1+0,12 x 3/12) = 206 сўм олади, сўнгра форвард шартномасини ижро этади (акцияни 201 сўмга харид қилади) ва акцияни қайтаради.
Ҳаммаси бўлиб, арбитраж фойдаси: 206 – 201 = 5 сўм.
Таъкидлаш жоизки, арбитраж стратегиялари ишлаб чиқишда қуйидаги тахминларга йўл қўйилган:
–депозитлар бўйича ставкалар кредитлар бўйича ставкаларга тенг;
–арбитражер чекланмаган миқдордаги активларни қарз олиш ва қарзга бериш имкониятига эга;
–солиқлар, комиссион тўловлар ва операцияларни амалга ошириш билан боғлиқ бошқа харажатлар йўқ.
Кўриниб турибдики, йўл қўйилган тахминлар бозордаги реал воқеликни акс эттирмайди. Шу сабабли амалдаги форвард нархлар амалиётда назарий нархлардан фарқ қилиши мумкин, бироқ арбитраж операциялар амалга оширишнинг доим ҳам имкони бўлавермайди.