Республикаси олий ва ўрта махсус таълим вазирлиги

Тренд таҳлили

Трендларнинг уч хил тури мавжуд⁵²:
Буқа (ўсиш) – нархлар юқорига қараб ўсади. «Буқа» таърифи рақибини ўз шохларида юқорига кўтариб ташлайдиган буқа билан ўхшашлик туфайли юзага келган. Буқа тренди ҳар бир янги нарх кўтарилиши бундан олдинги кўтарилишдан юқори даражага эришганда, нархларнинг ҳар бир пасайиши эса бундан олдинги пасайишдан юқорироқ даражада тўхтаганда ҳосил бўлади. Қўллаб-қувватлаш чизиғи буқа трендининг муҳим тавсифномаси ҳисобланади.
Қўллаб-қувватлаш чизиғи (support) – бозорнинг муҳим минимумларини (туб, таглик) бирлаштиради.
Мисол

11.7-расм. Ўсиш трендига мисол

⁵² Robert A. Schwartz, John Aidan, Lauren Wheatley (Eds.)/The Economic Function of a Stock Exchange Zicklin School of Business Financial Markets Series. 2015
Айиқ (пасайиш) – нархлар пасаяди. Айиқ тренди ҳар бир янги нарх пасайиши бундан олдинги пасайишдан ҳам пастроқ даражага эришганда, ҳар бир нарх кўтарилиши эса бундан олдинги кўтарилишдан пастроқ даражада тўхтаганда намоён бўлади. У нархлар кетма-кетликда максимуми бўйича тузилади. Айиқ трендини қаршилик кўрсатиш чизиғи тавсифлайди.
Қаршилик кўрсатиш чизиғи (resistance) – бозорнинг муҳим максимумларини (тепа, чўққи) бирлаштиради.

11.8-расм. Пасайиш трендига мисол

Ёнбош – «флэт» (flat) – нарх ҳаракати горизонтал йўлакда белгиланади.

11.9-расм. Ёнбош трендига мисол

Қаршилик кўрсатиш (resistance) ва қўллаб-қувватлаш (support) чизиқлари фойдаланиш ва ташкил қилишда энг осон, шундай экан, энг кўп қўлланадиган

ҳисобланади. Барча тренд чизиқлари, моделлар ва фигуралар – бу қаршилик кўрсатиш ва қўллаб-қувватлаш чизиқларининг комбинацияси, холос. Агар қаршилик кўрсатиш чизиғи ҳам, қўллаб-қувватлаш чизиғи ҳам кучли ва етарли даражада узоқ ушланиб турадиган бўлса, уларнинг бирикувига қараб, турли образлар ва тасаввурлар пайдо бўлади.