Республикаси олий ва ўрта махсус таълим вазирлиги

4. Мустақил ишни ташкил этиш шакли ва мазмуни

Мустақил ишнинг асосий мақсади-ўқувчилар томонидан мазкур фанни чуқур ўзлаштириш учун зарур бўлган билим ва кўникмаларни шакллантириш ҳамда ривожлантиришдан иборатдир. Бунда ўқувчилар янги билимга эга бўлиши учун мустақил равишда қўшимча мавзуларни ўзлаштириш кўникмаларига, зарурий маълумотларни излаб топишнинг қулай ва самарали усулларидан фойдаланиш ҳамда топшириқларни бажаришда тизимли ва ижодий ёндошишлари лозим.

Мустақил ишнинг ташкилий шакллари бўлиб, айрим назарий мавзуларни қонунлар, Вазирлар Маҳкамаси қарорлари, меъёрий ҳужжатлар, илмий адабиёт ва журналлар ёрдамида мустақил ўзлаштириш, берилган мавзу бўйича реферат тайёрлаш, назарий билимларини амалиётда қўллаш ва илмий мақола, анжуманга маъруза, тезислар тайёрлаш кабилар ҳисобланади. Ахборот манбаси сифатида эса дарсликлар, ўқув қўлланмалар, маълумотлар тўпламлари, “Бозор, пул ва кредит” журнали, “Банк ахборотномаси” газетаси, Интернет тизими ва бошқа иқтисодий йўналишдаги нашрлардан фойдаланилади.
Мустақил таълим мавзулари:
1. Пул назарияси
2. Нақд ва нақдсиз пуллар эмиссияси
3. Пул тизимининг барқарорлиги ва миллий валютанинг конвертабеллигини таъминлаш йўллари

4. Тўлов ва ҳисоб-китоб баланслари

5. Валюта сиёсати ва унинг асосий шакллари.
6. Тижорат банкларнинг кредит сиёсати.
7. Айланма маблағлар ва мижознинг кредитга лаёқатлилигини баҳолаш усуллари.
8. Тижорат банклари фаолиятини ташкил қилишнинг ҳуқуқий асослари.
9. Тижорат банкининг ресурслари ва уларнинг таркиби.
10. Тижорат банкларининг даромадлари ва харажатлари, банк фойдасини шакллантириш.


5. Тавсия этилаётган мавзулар бўйича кўргазма-намойиш материаллари, ўқув фильмлари ва бошқа дидактик материаллар рўйхати

Кўргазмали воситалар рўйхати. Курс режасига киритилган барча мавзулардаги масалалар бевосита замонавий компьютерлар ёрдамида амалга оширилади ва плакатлар, альбомлар, схемалар ҳамда слайдлар ёрдамида тушунтирилади.

Мультимедиа иловалари. Фан бўйича маъруза матнлари тўплами, масалалар тўплами, тарқатма материаллар, таянч сўз ва иборалар, мавзулар бўйича назорат саволлари ва тестларни компакт дискка ёзиш ва ундан фойдаланиш. Маъруза дарсларида фойдаланиш учун тақдимот дастурлари (Power Point, Adobe FotoShoр, 3D Max) муҳарририда яратилган мавзулар бўйича электрон слайдлар мультимедиа тизимлари ёрдамида намойиш этилади.