Республикаси олий ва ўрта махсус таълим вазирлиги наманган муҳандислик-технология институти

Нуқтали объектлар – якка қимматли ноёб дарахтлар, харсанг тошлар, ғор, шаршара, булоқлар ландшафт шакллантиришда алоҳида эътиборга олинади ва планда белгиланади.
Қуйидаги ландшафт участкалар типларига ажратилади:
Масофавий структураси ёпиқ типдаги ландшафт участкалар (пейзаж бўлимлари);
Ўрмон (таркиби ва ёшига кўра ажратилади);
Ярим очиқ типдаги ландшафт участкалар;
Очиқ типдаги ландшафт участкалар, пейзаж бўлимлари – далалар, кесилган ўрмон майдони, бўш ерлар, шох-шаббаси бирлашмаган маданий ўрмонлар;
Сув ҳавзаси типидаги ландшафт участкаси ва уларни пейзаж бўлимлари, ҳовузлар, ариқлар, дарёлар, ботқоқлар;
Рельефга биноан ландшафтли участкалар жарликлар, тепаликлар;
Сунъий иншоотли ландшафт участкалар (йўллар, коммуникация линиялар, қурилиш шохобчалари);
Тарихий паркларни – боғ-парк санъати ёдгорликларини, мемориал ва тарихий ландшафтларни баҳолаш ва шакллантириш алоҳида аҳамиятга эга бўлиб, уларнинг массивлари кўкаламзорлаштириш тизимида муҳим аҳамиятга эгадир. Улар шаҳар ва бутун регионлар эстетик қиёфасини шакллантиришда ўз ўрнига эгадир. Ҳозирги даврда тарихий ландшафтларни қайта тиклашнинг бир неча хил услублари мавжуддир.
3. Ландшафт объектларини реставрация қилиш. Илмий реставрация – ёдгорликни қайта тиклашнинг илмий асосланган тадбирлар тизими ҳисобланади.
Эстетик ёки мелиориал нуқтаи назардан алоҳида аҳамиятга эга ёдгорликларда ўтказилади. Унинг мақсади ёдгорликни илк кўринишини қайта тиклаш ҳисобланади. Музей аҳамиятига эга ландшафт объектларни қайта тиклашда улар ҳудудидан турли замонавий дам олиш шаклларини чиқариб ташлаш амалга оширилади. Бунинг учун ландшафт музей объекти яқинида янги замонавий дам олиш зонаси қурилади, кўп маблағ сарфланмайди.
Ҳозирги ландшафтлардан замонавий фойдаланишда бу усул тарихий ландшафтлардан фойдаланишнинг энг кенг тарқалган тури хисобланади. Бу иш яхши сақланиб қолган ва собиқ парклар, шохона уйлар ҳудудида амалга оширилади. Ушбу ландшафтларни тартибга келтириш учун биринчи галда реставрация қилиш ва ҳозирги замонда фойдаланишга яроқли ҳолатга келтиришдир.