Республикаси олий ва ўрта махсус таълим вазирлиги наманган муҳандислик-технология институти

НАЗОРАТ УЧУН САВОЛЛАР

1. 
   Ландшафт композициясини айтиб беринг.
   
2. 
   Шаҳарларда ландшафт қурилишини изохланг.
   
3. 
   Кўкаламзорлаштиришнинг босқичларини санаб ўтинг.
   

10-МАВЗУ: РАНГЛАР ФОНИ ВА ГАРМОНИЗАЦИЯСИ ЛАНДШАФТ САНЪАТИ ОБЕЪКТЛАРИДА КОМПОЗИЦИЯЛАР ЯРАТИШ .
Режа:
1. Болалар парклари ва спорт парклари.
2. Гидропарклар. Акво-парклар.
3. Меъмориал парклар, ботаника боғлари.
4. Аттракцион парклари ва виставка парклари.
5 . Зоологик парклар.
РАНГЛАРНИНГ ЎЗГАРМАС КЕТМА-КЕТЛИГИ. Агар гулларнинг ранги бири иккинчисни тўлдириб ёки орттириб кўрсатса, у ҳолд ранглар яхши қабул қилинади (яшил-қизил, ҳаворанг-тўқ сариқ). Қизил, тўқ сариқ ва сариқ ранглар – иссиқ, ёрқин ва узоқдан яхши кўринади, яшил, ҳаворанг ва бинафшаранг – совуқ, хира ва бир оз масофада мавхум бўлиб қолади, атрофдаги фонда ютилиб кетади. Оқ ранг бошқа хамма ранглар билан мос келади. Кумушранг ва кулранг ўсимликлар нейтрал ранг ҳисобланади. Ранглар жамланмаси қуйидагича бўлиши мумкин:

• 
  Контраст – яъни, қарама-қарши рангларни жойлаштириш. Қизил-яшил, ҳаворанг-туқсарик, сариқ-бинафшаранг.
  
• 
  Ньюанс – бир хил рангнинг оч рангидан-тўқ рангигача: оч қизилдан-тўқ қизилгача, ҳаворангдан-тўқ кўкгача.
  
• 
  Гармоник – ранглар биттадан кейингиси билан жойлаштирилади. Қизил-сариқ, тўқ сариқ-яшил, сариқ-кўк, яшил-ҳаворанг.
  

Дисгармоник – ранглар ёнидагиси билан жойлаштирилади: қизил-тўқсариқ-сариқ-яшил-кўк-ҳаворанг-бинафшаранг.


БОЛАЛАР ПАРКЛАРИ. Уларнинг асосий вазифаси болаларнинг маданий дам олишини ташкил этиш, жисмоний ривожланишига ёрдам бериш, уларнинг саргузаштларга, ижодий машғулотларга, экспериментларга бўлган интилишини қондиришдан иборат. Болалар парки ландшафтида табиий шароит ва ҳайвонот дунёсини кўплаб хилма-хиллигини, иложи борича, акс эттирмоқ мақсадга мувофиқдир.
Меъморий иншоотлар, майдончалар ва ускуналарнинг ўлчамларини ҳамиша гуруҳдаги болаларга ҳисоблаш керак бўлади: 2 ёшгача; 2-5; 6-7; 8-10; 11-13 ва катта ёшгача. Иншоотлар ўлчамлари ва экспозиция мавзуси ушбу ёшга мос келиши лозим.
СПОРТ ПАРКЛАРИ. Бу яшил ўсимликлар орасида жойлашган спорт, физкультура, маданий-оқартув иншоотлари комплексларидир, улар ўз таркибига қисқа дам олиш жойларини ҳам олади. Меъморий-маконий композиция мусобақалар ва машқ-машғулотлар ўтказилиши шароитларига кўра аниқланади. Майдончалар, иншоотлар, ўтиш жойлари ва аллеялар бу ерда бошқа парк турларига нисбатан ҳудуднинг анча каттароқ қисмини эгаллайди.