Республика илмий-амалий масофавий онлайн конференцияси

1. Фразеологик бирлик:
Айт, қачон кўнглимга солдинг
Ишқ ўтин, эй соҳира,
Дил ўзи боғландиму, ё
Боғладинг жоду билан?
Мен сенга кўнглимни очдим,
Ҳа деб айт, ё йўқ деб айт,
Бунча қийнайсан дилимни,
Ўртама кулгу билан.
2. Халқ мақоли:
Кўйида мен тош бошимни
Урмаган остона йўқ.
Элда бор шундай масал:
Жон чекмасанг жонона йўқ.
Ёки:
Севинг, деб шеър битиб аввал,
Ўзим бўлдим асири ишқ,
Ўзи тушгай эмиш охир
Бировга кимки қазгай чоҳ.
Бўлибсан ошиқ, Эркин,
Уз умид жондин, ўкинч қилмай,
Ўзингга, дейдилар, душман
Кейин чеккан пушаймон, оҳ.


3. Метафора:
Дилкушо дўст, дилрабо ёр-
Бирла кечган дам ширин.
Дўсту ёр бирлан ҳаёту
Сийнаи олам ширин.
Севгининг дарди фақат
Беишқ учун бегонадир,
Ишқи ёр бўлса фироқ-
Чекканда ҳатто ғам ширин.
4. Синонимлар:
Дилга оқсин бахтли умрим
Куй бўлиб, оҳанг бўлиб,
Сен унинг “Оромижони”,
“Гулёру Шаҳнози” бўл.
Орзу-истакдин-ку шодон
Дилга боғлабсан қанот,
Бу тилак осмонининг
Доим баланд парвози бўл.

5. Антонимлар:
Барча шодлик сенга бўлсин,
Бор ситам, зорлик менга.
Барча дилдорлик сенга-ю,
Барча хушторлик менга.


Бу жаҳоннинг роҳатин ол,
Бор азобин менга бер.
Сенга бўлсин барча ором,
Барча бедорлик менга.
6. Омонимлар:
Кўрдиму лол бўлди ақлим, ўнгмиди бу ёки туш,
Бўлса ҳам ўнг, ё сени кўргач, бошимдан учди ҳуш.
Сен баланд тоғ узра эрдинг, мисли оҳу ёки қуш,
Ёлвориб мен пастда дердим: бир нафас ёнимга туш,
Азгануш, ҳой Азгануш, Азганушжон, Азгануш.
Топшириқнинг шу тарзда қўйилиши тадқиқотчига индуктив методддан фойдаланиш, яъни факт, далиллардан қоидага, назарияга бориш имкониятини беради. Бу эса, ўз навбатида, талабага тил бирликлари ҳақидаги билимларни онгли ўзлаштиришига кенг имкониятлар очади.
Лингвопоэтик таҳлил ҳар бир асарга индивидуал ёндашишни тақозо қилади. Чунки лисоний бирликлар асарга алоҳида мақсад ва бадиият эҳтиёжи билан олиб кирилади. Шунинг учун ҳар бир асар лисоний жиҳатдан яхлит бутунлик деб қаралади. Таҳлил асардан узиб олинган мисол ҳақидаги мулоҳазалардангина иборат бўлиб қолмаслиги учун ҳар бир унсур асарнинг бутунига алоқадор эстетик юкни ўзида акс эттиришини назардан четда қолдирмаслик муҳим саналади.
Хулоса қилиб айтганда, бадиий матн таҳлилида талабалар томонидан амалга ошириладиган мустақил таълимнинг ўрни беқиёсдир.