Республика илмий-амалий масофавий онлайн конференцияси

3. Савол билетларини автоматик вариациялаш дастури (“Variation”). Баъзан, талабалар билимини баҳолаш учун ёзма ишлар олинади. Яъни, N та саволдан иборат билет асосида талабалар ёзма имтиҳон топширишади.
Талабалардан ёзма имтиҳон олиш жараёнларида ҳар бир талаба учун
алоҳида савол вариантлари (билетлари)ни шакллантириш зарур бўлади. Бунда ўқитувчи учун асосий муаммо – бу саволларни вариациялаш масаласидир. Қўл меҳнатида бу анчагина диққинафас ва вақт талаб қиладиган иш бўлиб, ўқитувчининг қимматли вақтини ўғирлайди. Биз яратган дастур ёрдамида бу масала осон ҳал этилади. Бу дастурда 1 тадан 5 тагача фан ёки фан блоки бўйича саволларни аралаштириб (вариациялаб) олиш имконияти мавжуд.
Шунингдек, дастурда савол билети сарлавҳаларини ҳам ўзгартириш имкониятлари мавжуд. Бу дастур учун ҳам саволлар банкини ўқитувчи Microsoft Word дастурида тайёлаб олиши керак бўлади.
Хулоса қилиб айтиш мумкинки, юқоридаги санаб ўтилган амалий компьютер дастурлари ёрдамида талабалар билимини баҳолашни сифатли амалга ошириш орқали ўқитиш тизимини янада такомиллаштириш ва ривожлантириш имкониятлари пайдо бўлади.
Айни кунларда яратилган амалий дастурлаш синовдан ўтмоқда ва яхши натижаларга эришилмоқда. Хусусан, бу дастурлар мамлактимиз олий таълим муассасалари фаолиятида самарали фойдаланилмоқда ва бу ишланмалар мамлакатимиз олий таълим муассасалари профессор-ўқитувчилари томонидан илиқ кутиб олинди ва талабалар билимини холисона баҳолашда муҳим аҳамият касб этмоқда.
Фойдаланилган адабиётлар:

1. 
   Мирзиёев Ш.М. Танқидий тахлил, қатъий тартиб - интизом ва шахсий жавобгарлик – хар бир рахбар фаолиятининг кундалик қоидаси бўлиши керак. Тошкент, Ўзбекистон, 2017.-104 б
   
2. 
   Фарберман Б. Илғор педагогик технологиялар. - Т.: Фан, 2000.
   
3. 
   Исмаилова З.К., Мусаев Р.С., Шаюсупова А.А. Ўкитишнинг замонавий технологиялари. Ўқув қўлланма. – Т.: ТИМИ, 2008.
   
4. 
   Исмаилова З.К., Мусаев Р.С. Таълимнинг техник воситалари. Ўқув қўлланма. – Т.: ТИМИ, 2008.
   
5. 
   Hakimova M.F., Xo’jaev N.X., Ahmedov D.Q. Pedagogik texnologiyalar. – Т.: ТДИУ, 2008.