Республика илмий-амалий масофавий онлайн конференцияси

1. Компьютерда тест олиш дастури (“KomputerTest”).
Дастурда асосан қуйидаги имкониятлар мавжуд:
1) Саволларни фойдаланувчи (ўқитувчи) Microsoft Word матн
мухаррида ёзиб, осонлик билан яратиб олиши мумкин. Бунда расм ва
формулалардан, шунингдек, Microsoft Wordнинг бошқа турли имкониятларидан ҳам фойдаланиш мумкин.
2) Баҳолаш ва вақт параметрларини созлаш имконияти мавжуд.
3) Тестни ҳимоялашнинг бир нечта усуллари мавжуд. Хусусан, тест
файлини криптографик шифрлаш, Microsoft Word дастурини автоматик ёпиб
қўйиш ва ҳ.к.
4) Тест жараёни (вақти) ҳамда талабанинг ишлаш тезлиги кўриниб
туради. Шунингдек, дастурда автоматик вақт назорати мавжуд.
5) Баҳолар (натижалар) дискка сақланади ва ихтиёрий вақтда кўриш мумкин ва ҳ.к.
Таъкидлаш керакки, саволлар ва жавоблар дастур ишлаши жараёнида вариацияланади, яъни доимий алмашинади. Бу ҳам албатта тестлаш жараёнининг ҳолислигини янада оширади. Ўз навбатида, тестлаш жараёнининг ҳолислигини оширишнинг яна бир кўриниши бу – кўп миқдордаги саволлар банкидир. Яъни, ўқитувчи томонидан фан бўйича иложи борича кўпроқ ҳажмда (сонда)ги тестларни тайёрлаш тавсия этилади. Бинбарин, дастурда мавжуд тестлар банкидан фақат маълум бир k миқдордагисини талабага чиқариб бериш имконияти мавжуд.
2. Қоғозда тест олиш дастури (“PaperTest”). Бу дастурнинг вазифаси тестни қоғозга (Word файлга) тайёрлашдан иборат. Талабаларни билимини баҳолашда доим ҳам компьютерлардан фойдаланиш имконияти бўлмайди (масалан, барча аудиторияларда ҳам компьютер техникаларининг мавжуд эмаслиги, турли техник сабаблар ва ш.к.). Шундай ҳолларда ҳам талабаларни тестлаш жараёнини амалга ошириш мумкинки, бунда албатта қоғозларда чоп қилинган тестлар қўл келади.
Дастурни ишлатиш учун олдиндан тайёрланган файлни юклаш, керакли саволлар сони ҳамда керакли тестлар сонини кўрсатиб, “Бошлаш” тугмасини босиш керак.
Таъкидлаш керакки, тестлашнинг бу иккинчи варианти (“PaperTest”) ҳам ишлаш услуби жаҳатдан биринчиси (“KomputerTest”) дан деярли фарқ
қилмайди. Яъни, ўқитувчи томонидан “KomputerTest” дастури учун
тайёрланган саволлар банки (файли) “PaperTest” дастури учун ҳам мос
тушаверади.