Республика илмий-амалий масофавий онлайн конференцияси

Keysda ishlatilgan ma'lumotlar manbai:

1. 
   O'zbekiston Respublikasi Konstitutsiyasi.
   
2. 
   O'zbekiston Respublikasi Jinoyat kodeksi.
   
3. 
   Tabiatni muhofaza qilish to'g'risidagi qonun.
   
4. 
   Inson huquqlari umumjahon dekloratsiyasi. 1948 yil 10 dekabr.
   
5. 
   Bola huquqlari konventsiyasi. 1989 yil 20 noyabr.
   

Keysning tipologik xususiyatlariga ko'ra harakteristikasi:
Ushbu keysning asosiy manbai kabinetli, lavhali bo'lib, vaziyat davriy ketma - ketlikda yaqin o'tmishdan bugungi kun tartibida bayon etilgan. Keysning asosiy ob'ekti shaxsga va tabiatga yo'naltirilgandir. Bu keys ma'lumotlar vaziyatlar va savollar asosida tuzilgan. U o'rta hajmdagi keys texnologiyasi hisoblanadi, darsga mo'ljallangan o'quv mavzu bo'yicha bilim va ko'nikmalar hosil qilishga qaratilgan.
Didaktik maqsadlarga ko'ra keys muammolarni taqdim qilishga, ularni hal etishga, tahlil qilishga qaratilgan. Darhaqiqat, insonlarning yagona yashash makoni bo'lgan Yer sharining ekologik xavfsizligini ta'minlash biron bir davlat, tashkilot yoki uyushmalarining sa'yharakatlarida boshlanadigan, lekin butun dunyo hamjamiyatining birgalikdagi izchil hamjamiyatining siyosatni olib borishga iqtisodiy va huquqiy mexanizmini ishlab chiqishiga, ijtimoiy madaniy muhitning yarata olishga bog'liq bo'lgan masalalar toifasiga kiradigan dolzarb muammodir.
Aynan ana shu muammolarni oldini olish yo'llarini ishlab chiqish "Keys stadi"ga asoslangan o'qitish texnologiyasining asosiy maqsadi hisoblanadi. Ushbu texnologiya amaliy vaziyatlarni hal etish jarayonida o'rganilgan o'quv mavzusi bo'yicha bilimlarni mustahkamlash, muammolarni tahlil qilish va qirralarni yakka tartibda yoki guruhlarda qabul qilish ko'nikmalarini egallashga, ijodiy va o'rganish qobiliyatlari, mantiqiy fikrlash, nutq va muhit sharoitlariga moslashish qobiliyatlarini rivojlantirishga hamda qarorlarni mustaqil qabul qilishga va o'z- o'zini nazorat qilishga yordam beradi.
Quyidagi keys - ma'naviy barkamol va komil insonning aqliy, axloqiy, ekologik madaniyat, kishilarning chuqur va zamonaviy bilim, keng dunyoqarashi, mustaqil fikrlash salohiyatiga ega bo'lishi, uning yuksak ma'naviy kamolot sohibi bo'lishining asosiy shakli hayotimizni ekologik jixatdan izdan chiqarishga qaratilgan jiddiy xatarlar va ularning oldini olish yo'llarini ishlab chiqishga imkon yaratadi. Ushbu keysni muvaffaqiyatli amalga oshirish uchun mavzu bo'yicha ekologik huquqiy mezonlari haqida bilim va ko'nikmalarga ega bo'lish zarur.

1. 
   o'zlashtirilgan mavzu bo'yicha bilimlarni mustahkamlash;
   
2. 
   muammoning hamda qabul qilingan yechimning individual va guruhiy tahlilida bilim va ko'nikmalarni qayta topshirish;
   
3. 
   mantiqiy fikrlashni rivojlantirish;
   
4. 
   mustaqil ravishda qaror qabul qilish ko'nikmalarini egallash;
   
5. 
   o'quv axborotlarini o'zlashtirish darajasini tekshirib ko'rish.
   

Xulosa qilib Keys-stadi metodi bo’yicha o’rganilayotgan har bir muammo yoki mavzu yuzasidan amalga oshiriladigan ishlar rejasi, ularni bajarish tafsiloti, natijalar va xulosalar yig’indisi alohida keysni tashkil qiladi. Bu metod ta’lim jarayonida hayotiy vaziyatlardan foydalanishga qaratilgan. Bu esa, hozirgi kunlarda ta’lim sohasidagi dolzarb bo’lgan muammolardan hisoblanadi. Ushbu muammoni hal qilish imkonini berishi bu metodning alohida ahamiyatga ega ekanligini ko’rsatib turibdi.