Республика илмий-амалий масофавий онлайн конференцияси

ОЙНИНГ ЭНГ БИЛИМДОН СИНФИ
Жамалатдин Утепбергенов
ҚРХТХҚТваУМОХМ «Аниқ ва табиий фанлар методикаси» кафедраси
Дамегул Сейтова
Нукус шахар 34-сонли мактабнинг биология фани ўқитувчиси
Еркинай Убаева
Нукус тумани 10-сонли мактабнинг биология фани ўқитувчиси
Умумтаълим мактабларида «Фан ойликлари»ни ташкил этиш ва ўтказишдан мақсад ўқувчиларнинг фанга бўлган қизиқишларини орттириш, билимли, иқтидорли, зукко, изланувчан ўқувчиларни аниқлаш, улардаги ижодкорлик қобилиятини ривожлантириб аниқ бир мақсадга йўналтириш, таълим-тарбия жараёнида қўлланадиган педагогик технология ва методларни юксалтириш, метод бирлашмаларининг фаолиятини янада жадаллаштиришдан иборат. Ҳамма фанлар қатори Март «Биология фан ойлиги» деб белгиланиб юқори савияда ташкил этилиб ўтказилмоқда. Фан ойлигида асосан ўқувчиларнинг қизиқиш билан, ҳамда фаол иштирок этадиган тадбирларидан бири синфлар орасида ўтказиладиган синфдан ташқари мусабоҳа ҳисобланади. Биология фан ўқитувчилари билан тажриба алмашиш ва методик ёрдам беришда Республикамизда чоп этиладиган илмий, илмий-методик журналларнинг ўрни беқиёс. Қуйида биология фани мисолида «Ойла, изла, топ!» мусобаҳа дарсини ҳавола этамиз.
«Ойла, изла, топ!»
Мақсад: Ўқувчиларнинг эгаллаган билимларини мустаҳкамлаш, фанга бўлган қизиқишини ошириш, чаққонлик, зийракликга ўргатиш, эркин фикрлаш ва биргаликда ишлашга ўргатиш.
Дарс тури. Мусобаҳа.
Ресурслар: Флипчарт, скотч, маркер, топшириқ ёзилган карточкалар, баҳолаш учун карточкалар.
Дарснинг бориши: Ташкилий қисм:
-Олдиндан таёрланган гуруҳлар номи билан таништирилади ва белгиланган ўринларга ўтиради;
-Гуруҳлар мусобаҳа шартлари билан яна бир марта таништирилади.
1-шарт: Ўз гуруҳини таништириш: Бу шартда ҳар бир гуруҳ ўзларининг гуруҳига қўйган номига қисқача тавсиф беради. Ҳар бир гуруҳ учун бир дақиқа. Масалан: Зийраклар, Билимдонлар ва ҳакоза.